ئامېرىكا تاراتقۇلىرىدا 19-دېكابىر:«سۈرىيەدىكى قوراللىق ھەرىكەت روسىيىگە قورال سىناق قىلىدىغان پۇرسەت ئاتا قىلدى» سەرلەۋھىلىك ماقالە ئېلان قىلىنغان.

20-ئەسىرنىڭ 50-يىللىرىدىكى خەلق ئاۋىئاتسىيەسى يولۇچىلار ئايروپىلانى ئاساسىدا ياسالغان «نېل-18»تىپلىق «قارا ئۆردەك» بەلگىلىك ئايروپىلان روسىيەنىڭ سۈرىيەدىكى ئۆكتىچى كۈچلەرگە زەربە بېرىش ئۈچۈن ئورۇنلاشتۇرغان زامانىۋى قورال ھېسابلانماسلىقى مۇمكىن.

ئانالىزچىلارنىڭ دېيىشىچە، بۇ خىل ئايروپىلانغا رادار، يىراقتىن كۆزىتىش كامىراسى، ئىنفىرا قىزىل نۇرلۇق سېنزور ۋە ئوغۇرلۇقچە ئاڭلاش سىستېمىسى ئورنىتىلىپ، دېڭىز ئارمىيە ئېلېكترونلۇق ئاخبارات ئۇرۇشى سۇپىسىدا پەيدا بولغان. «قارا ئۆردەك»نىڭ پەيدا بولۇشى روسىيەنىڭ سۈرىيە مەسىلىسىدە ئۇزاق مەزگىللىك پىلان تۈزگەنلىكىدىن دېرەك بېرىدىكەن.

ئامېرىكا زۇڭتۇڭى ئوبامانى ئۆز ئىچىگە ئالغان غەرب رەھبەرلىرى: روسىيە بەش يىلغا سوزۇلغان سۈرىيە توقۇنۇشى پاتقىقىغا پېتىپ قېلىشى مۇمكىن، دەپ قارىغان. ئىئوردانىيە ئانالىزچىسى كامھاۋى: پۇتىن چېكىنىش ئىستراتېگىيىسى تۈزمىدى، روسىيە سۈرىيەدە تۇرۇپ قېلىشى مۇمكىن، دېگەن.

   روسىيىنىڭ قوراللىق ھەرىكىتى يالغۇز بەشەر ھاكىمىيىتىنى ساقلاپ قېلىش ئۈچۈنلا ئەمەس، بۇ يەنە روسىيەنى قورال ۋە ئۇرۇش قىلىش نەزەرىيىسىنى سىناق قىلىدىغان پۇرسەت بىلەن تەمىنلىگەن.

ئامېرىكا تېكساس شتاتىغا جايلاشقان دۇنيا ئاخبارات شىركىتى- ستراتېگىيە سىناق شىركىتىنىڭ يېقىنقى بىر پارچە دوكلاتىدا: روسىيە سۈرىيەدىكى قوراللىق ھەرىكىتى ئارقىلىق ھاۋا ئۇرۇشى ئىقتىدارنى سىناق قىلىۋاتىدۇش روسىيە شۇ ئارقىلىق زۆرۈر تېپىلغاندا سۈرىيە بىلەن ئىراق چېگرىسىدىكى نىشانلارغا زەربە بېرەلەيدىغانلىقىنى ئىسپاتلىماقچى، دېگەن.

سۈرىيە توقۇنۇشىغا ئارىلاشقان باشقا دۆلەتلەرنىڭ ئىشلەتكەن قوراللىرى تېخىمۇ ئىلغار ئىكەن. ئامېرىكا قورال ئىسكىلاتىدىكى ئەڭ ئىلغار قوراللارنى ئىشلەتكەن بولۇپ، بۇ قوراللار ئىچىدە «F-22»بەلگىلىك كۆرۈنمەس سوقۇش ئايروپىلانمۇ بار ئىكەن. فرانسىيە بىلەن ئەنگلىيە قاتارلىق ئىتتىپاقداشلارمۇ «ئىراق ۋە شام ئىسلام دۆلىتى»گە زەربە بېرىشتە، ئەڭ يېڭى تىپتىكى «ئۆتكۈنچى شامال» ۋە «چاپقۇن» بەلگىلىك سوقۇش ئايروپىلانىنى ئىشلەتكەن.

ئانالىزچىلارنىڭ دېيىشىچە، ئىلغار قوراللار ئارقىلىق «ئىراق ۋە شام ئىسلام دۆلىتى»نىڭ قالاق قوراللىرىغا تاقابىل تۇرۇش ئارتۇقچە چىقىم قىلغانلىق بولىدىكەن. سۈرىيە توقۇنۇشنىڭ دەسلەپكى مەزگىللىرىدە ش ئا ئە ت تۈركىيەنىڭ جەنۇبىغا «ۋەتەنپەرۋەر» ناملىق ھاۋا مۇداپىئە ۋە باشقۇرۇلىدىغان سىنارەدكە قارشى باشقۇرۇلىدىغان سىنارەد ئورۇنلاشتۇرغان، لېكىن بۇ باشقۇرۇلىدىغان سىنارەدنى ھازىرغىچە ئىشلىتىپ باقمىغان.

     لىۋاننىڭ دەم ئېلىشقا چىققان گېنېرالى، ھەربىي ئانالىزچى ھېسام جەبىر: ھەرقايسى دۆلەتلەر سۈرىيەنى يۇقىرى پەن تېخنىكىلىق قوراللىرىنى سىناق قىلىدىغان مەيدان قىلىۋالدى، ئەنگلىيە بىلەن فرانسىيە سۈرىيەدىكى بومباردىمان ئارقىلىق ئوتتۇرا شەرق ۋە  قورال بازىرىدىكى يوشۇرۇن خېرىدار لىرىغا سوقۇش ئايروپىلانلىرىنىڭ ئىقتىدارى نامايان قىلىۋاتىدۇ. روسىيەنىڭ ئۇسۇلى كىشىنى تېخىمۇ ھەيران قالدۇرىدۇ، ئۇ كاسپىي دېڭىزىغا ئورۇنلاشتۇرغان قوغدىغۇچى پاراخوتلىرى ۋە ئوتتۇرا دېڭىزدىكى يېڭى چۆكمە پاراخوتى ئارقىلىق رادىكال تەشكىلاتلارغا يىراق مۇساپىلىك چارلىغۇچى باشقۇرۇلىدىغان سىنارەد قويۇپ بەرگەنش بۇ چارلىغۇچى باشقۇرۇلىدىغان سىنارەد ئىنتايىن ئىخچام بولۇپ، ئۇنى كىچىك تىپتىكى چۆكمە پاراخوت ۋە ھەربىي پاراخوتلىرىدا ئېلىپ يۈرگىلى بولىدۇ، دېگەن.

سۈرىيە توقۇنۇشى يەنە توقۇنۇشقا قاتناشقان تەرەپلەرگە ئەزەلدىن كۆرۈلۈپ باقمىغان نازارەت قىلىش ۋە تېخنىكا ئۆگىنىش پۇرسىتى يارىتىپ بەرگەن.