< روسىيە سودا گېزىتى> نىڭ جۈمە كۈنىدىكى خەۋىرىگە قارىغاندا، روسىيە فېدراتسىيە خەۋپسىزلىك ئىدارىسى سانكىت پىتىربۇرگدىكى پۇركوۋ ئايرودرومىدا 20 توننا قاراڭغۇ بازار يانفونىنى تەكشۈرۈپ پېچەتلىگەن، پارچە سېتىش ساھەسىدىكىلەرنىڭ پەرىزىگە قارىغاندا، بۇ قېتىم تەكشۈرۈپ پېچەتلەنگەن بۇ يانفونلارنىڭ مىقدارى سانكىت پىتىربۇرگ شەھىرىنىڭ 12-ئايلىق ئەقلىيفون ئۇمۇمىي سېتىلىش مىقدارىنىڭ ئۈچ ھەسسىسىگە تەڭ كېلىدىكەن. خەۋەردە تونۇشتۇرۇلۇشىچە، بۇ قېتىم تەكشۈرۈپ تۇتۇپ قېلىنغان ماللار ئىچىدە 15 مىڭ تال لىيەنشىياڭ A560 يانفونى، 35 مىڭ تال iPhone يانفونى ۋە iPad قاتارلىقلار بار بولۇپ، بۇ تۈركۈم مال بېيجىڭدىن پۇركوۋ ئايرودرومىغا ئەۋەتىلگەن، بۇ ماللارنى تاپشۇرۇۋالغۇچى تەرەپ بولسا شۇ جايدىكى Palmira LLC ناملىق بىر شىركەت ئىكەن.          < روسىيە سودا گېزىتى> نىڭ مۇخبىرى بىر قانچە  ئېلىكتىرون مەھسۇلاتلىرىنى پارچە سېتىش سودىگىرىنى زىيارەت قىلغاندا، ئۇلار ئۆزلىرىنىڭ بۇ شىركەتنىڭ ئىسمىنى ئاڭلاپ باقمىغانلىقىنى ئېيتقان.

   لىيەنشىياڭنىڭ روسىيىدىكى باش لىدىرى- گىلەب مىشىن (Gleb Mishin) تونۇشتۇرۇپ، لىيەنشىياڭ A560 يانفونىنىڭ ھازىرچە روسىيە بازارلىرىدا تېخى رەسمىي سېتىلىشقا باشلىغانلىقىنى ئېيتقان. ئۇ يەنە تولۇقلاپ مۇنداق دېگەن:< گەرچە قاراڭغۇ بازاردا سېتىلىدىغان يانفونلار بازار ئىگەللەش نىسبىتى جەھەتتە ئۇنچە زور سالماقنى ئىگەللىمەيدىغان بولسىمۇ، لېكىن قاراڭغۇ بازار يانفونلىرىنىڭ روسىيىدە سېتىلىشى يەنىلا بىزگە قارىتا مۇئەييەن تەسىر پەيدا قىلىدۇ، بولۇپمۇ يانفون ساتقۇچىلار يانفوننىڭ باھاسىنى چۈشۈرۈپ سېتىشقا ئۇرۇنسا ئۇنداقتا بازارغا بولغان تەسىرى تېخىمۇ چوڭ بولىدۇ>.