گەرچە نۇرغۇنلىغان كىشىلەرنىڭ خەلىقئارالىق ئايروپىلانغا ئولتۇرۇپ دۇنيانى ساياھەت قىلىشى كۈنسىرى ئاسانلاشقان بولسىمۇ، ئايروپىلان ۋەقەسى يەنىلا يۈز بېرىپ تۇرماقتا.يېقىندا دۇنيادىكى ئەڭ ياخشى ئاۋىئاتسىيە شىركىتىنىڭ باھالاش تورىدا پۇتۈن دۇنيادىكى 448ئاۋىئاتسىيە شىركىتىنىڭ ئۇچۇش خاتىرىسى تەكشۈرۈلدى ھەمدە كۆپخىل سانلىق مەلۇمات ۋە ماتىرياللارغا ئاساسەن 2013-يىلىدىكى دۇنياۋى 10چوڭ بىخەتەر ئاۋىئاتسىيە شىركىتىنى باھالاپ چىقىلدى.

　　
　　
1.ئاۋىستىرالىيە ئاۋىئاتسىيە شىركىتى Qantas

　　ئاۋىستىرالىيە ئاۋىئاتسىيە شىركىتىنىڭ ئايروپىلانى 1951-يىلىدىن بېرى ھىچقانداق ھايات ماماتلىق ۋەقەگە ئۇچىرمىغان، بىخەتەرلىكتە رەتكە تىزغاندا بىرىنجى ئورۇندا تۇرىدۇ. ئاۋىستىرالىيە ئاۋىئاتسىيە شىركىتى1920- يىلى قۇرۇلغان. بۇ شىركەت غەرىب ئەللىرى ئارىسىدىكى ئاز ئۇچرايدىغان، تاكى ھازىرغىچە ئۇچۇش جەريانىدا ئۆلۈم ھادىسىسى كۆرۈلمىگەن ئاساسى ئىقىمدىكى ئاۋىئاتسىيە شىركىتى.

　　
2. يېڭى زىللاندىيە ئاۋىئاتسىيە شىركىتى Air New Zealand
　　
يېڭى زىللاندىيە ئاۋىئاتسىيە شىركىتى دۇنيادىكى بىردىنبىر پۈتۈن دۇنيانى قاپلىغان ئاۋىئاتسىيە شىركىتى دەپ باھالانغان. ھەر يىللىق يولۇچى توشۇش مىقتارى 12مىليون ئادەم قىتىمغا يىتىدۇ. 1979-يىلىدىن بېرى،يېڭى زىللاندىيە ئاۋىئاتسىيە شىركىتىنىڭ بىر مىليون بەش يۈزمىڭ قىتىملىق ئۇچۇش ۋەزىپىسىدە ھىچقانداق ۋەقە كۆرۈلمىگەن.

　　
　　
3. سەئۇدى ئەرەمىستان ئاۋىئاتسىيە شىركىتى Emirates

　　
29 يىللىق تارىخقا ئىگە سەئۇدى ئەرەبىستان ئاۋىئاتسىيە شىركىتىنىڭ ئايروپىلانى تاكى ھازىرغىچە 2 قىتىم ۋەقەگە ئۇچىرغان. ھازىر سەئۇدى ئەرەبىستان ئاۋىئاتسىيە شىركىتىنىڭ 200 دىن ئارتۇق ئايروپىلانى بار بولۇپ، پۈتۈن دۇنيادىكى 60 دىن ئارتۇق دۆلەتكە قاتنايدۇ. 2013-يىلى بۇ شىركەت بۇ ساھەدىكى ئەڭ نوپۇزلۇق بولغانSKYTRAX دۇنيا ئاۋىئاتسىيە مۇكاپاتىغا ئېرىشكەن.

 
　　
4. ئېتىھاد ئاۋىئاتسىيە شىركىتى Etihad
　　
2003- يىلى قۇرۇلغان ئېتىھاد ئاۋىئاتسىيە شىركىتى سودا ئاۋىئاتسىيە تارىخىدىكى ئەڭ تىز تەرەققى قىلىۋاتقان ئاۋىئاتسىيە شىركەتلىرىدىن بىرى بولۇپ قالدى.2010-يىلى بۇ شىركەتنىڭ ھەپتىلىك يولۇچى توشۇش مىقتارى سەئۇدى ئەرەبىستان ئاۋىئاتسىيە شىركىتى بىلەن تەڭلىشىپ قالاي دىگەن. بۇ شىركەتنىڭ ئايروپىلانلىرىمۇ ھازىرقىچە ھىچقانداق ھايات خەۋىپى ئېلىپ كېلىدىغان ۋەقەگە ئۇچىرمىغان.
　　

　　
5. گاتاي ئاۋىئاتسىيە شىركىتى Cathay Pacific
　　
باش شىركىتى شىياڭگاڭدا بولغان گاتاي ئاۋىئاتسىيە شىركىتى 1946-يىلى قۇرۇلغان بولۇپ، بۇ شىركەتنىڭ ئەڭ يېقىنقى ئايروپىلان ۋەقەسى 1972-يىلى يۈز بەرگەن. ئۇنىڭدىن كىيىنكى نەچچە ئون يىلدىن بېرى بۇ ئاۋىئاتسىيە شىركىتى نۇقسانسىز ئۇچۇش خاتىرىسىنى ساقلاپ كەلمەكتە.2013-يىلى گاتاي ئاۋىئاتسىيە شىركىتىنىڭ يولۇچى توشۇش ئومومى مىقتارى 29مىليون919مىڭ ئادەم قېتىمغا يەتكەن.
　　
　　
　　
6. سىنگاپور ئاۋىئاتسىيە شىركىتى Singapore Airlines
　　
سىنگاپور ئاۋىئاتسىيە شىركىتى ئۆز ساھەسىدە بىخەتەرلىكى ، مۇلازىمەت سۈپىتى ۋە يېڭىلىق يارىتىش ئۇسلۇبى جەھەتلەردە ناھايىتى داڭلىق. سىنگاپور ئاۋىئاتسىيە شىركىتى يەنە ئاسىيا بويىچە تۇنجى بولۇپ ۋە پۈتۈن دۇنيا بويىچە 3- بولۇپ خەلقئارا ئاۋىئاتسىيە توشۇش بىرلەشمىسى يۈرۈشتۈرۈش بىخەتەرلىك تەكشۈرۈشىدىن ئۆتكەن ئاۋىئاتسىيە شىركىتى.
　　
　　
7. ۋىرگىن ئاتلانتىك ئاۋىئاتسىيە شىركىتى Virgin Atlantic
　　
ۋىرگىن ئاتلانتىك ئاۋىئاتسىيە شىركىتى بولسا ۋىرگىن گوروھىنىڭ تارماق شىركىتى بولۇپ، باش شىركىتى ئەنگىلىيەدە. بۇ شىركەتنىڭ ھەر بىر نۆۋەتلىك ئايروپىلانىغا قاتتىق كابىنكا ئىشىكى ۋە يېپىق يوللۇق تىلىۋىزىيە نازارەت قىلىش سىستىمىسى ئورنۇتۇلغان، ھەمدە ئايرودورومدا يولۇچىلارنىڭ ئالاھىدىلىكىنى ئانالىز قىلىش ئۇسۇلى ئارقىلىق تەكشۈرۈشنى يولغا قويۇپ بىخەتەرلىك دەرىجىسىنى ئاشۇرغان.
　　
　　
8. ئىۋا ئاۋىئاتسىيە شىركىتى EVA Air

ئىۋا ئاۋىئاتسىيە شىركىتىنىڭ ئايروپىلانلىرىدا 1989-يىلى قۇرۇلغاندىن تارتىپ تاكى ھازىرغىچە ھېچقانداق ئۆلۈم ھادىسىسى كۆرۇلگەن ۋەقە يۈز بەرمىگەن. بۇ شىركەت ئۇدا 10 يىل گىرمانىيەنىڭ نوپوزلۇق ئاۋىئاتسىيە ژۇرنىلىInternational AERO تەرىپىدىن 《ئون چوڭ بىخەتەر ئاۋىئاتسىيە شىركىتى》 دەپ باھالانغان.

　　
　　
9.ئال نىپپون ئاۋىئاتسىيە شىركىتى All Nippon Airways
　　
ئال نىپپون ئاۋىئاتسىيە شىركىتى ئاسىيا ۋە ئوكىئانىيە قىتئەسىدىكى كۈتۈلمىگەن ھادىسىلەر ئەڭ ئاز يۈز بەرگەن ئاۋىئاتسىيە شىركىتى، تەخمىنەن 100 نۆۋەتلىك ئايروپىلاندا كۈتۈلمىگەن ھادىسە يۈز بېرىش نىسپىتى0.22پىرسەنت.SKYTRAXبۇلتۇر بۇ شىركەتنى بەش يۇلتۇزلۇق ئاۋىئاتسىيە شىركىتى دەپ باھالىدى. بۇ يەنى دۇنيادىكى 7- بولۇپ بۇ شەرەپكە نائىل بولغان ئاۋىئاتسىيە شىركىتى. 

　　
　　
10. خان جەمەتى ئىئوردانىيە ئاۋىئاتسىيە شىركىتى Royal Jordanian
　　
خان جەمەتى ئېئوردانىيە ئاۋىئاتسىيە شىركىتىنىڭ باش شىركىتى ئىئوردانىيەنىڭ ئاماندا بولۇپ ، خەلىقئارالىق ھاۋا لىنىيىسى 4 قىتئەنى قاپلىغان. بۇ شىركەت2004-يىلى خەلقئارا ئاۋىئاتسىيە توشۇش بىرلەشمىسى يۈرۈشتۈرۈش بىخەتەرلىك تەكشۈرۈشىدىن ئۆتكەن، ھازىرغا قەدەر تۈزۈمگە خىلاپ ئەھۋال كۆرۈلمىگەن.

　　
　　
يېقىندا ئامرىكا داڭلىق تور بىكىتى askmen ھەرقايسى ئاۋىئاتسىيە شىركەتلىرىنىڭ ئايروپىلانلىرى ئۇچىرغان ۋەقە سانى ۋە تاماملىغان ئۇچۇش قىتىم سانىنىڭ نىسپىتىگە ئاساسەن دۇنيادىكى 10 چوڭ ئەڭ خەتەرلىك ئاۋىئاتسىيە شىركىتىنى باھالاپ چىقتى.

دۇنيادىكى 10 چوڭ ئەڭ خەتەرلىك ئاۋىئاتسىيە شىركىتى

　　
1. كۇبا ئاۋىئاتسىيە شىركىتى Cubana Airlines
　　
　　
　　
كۇبا ئاۋىئاتسىيە شىركىتى خەلىقئارا ئاۋىئاتسىيە شىركەتلىرى ئارىىسدا ئەڭ ناچار بىخەتەرلىك رىكورتىنى ياراتقان. بۇ شىركەتنىڭ ئايروپىلانى باشقا رەتكە تىزىلغان ئاۋىئاتسىيە شىركەتلىرىگە سىلىشتۇرغاندا ئايروپىلانى خېلىلا ئاز بولسىمۇ، لىكىن ئاۋارىيە دائىم يۈز بېرىپ تۇرغان. ئەڭ ئېغىر بولغان بىر قىتىملىق ئاۋارىيە 1991-يىلى يۈز بەرگەن. كۇبانىڭ بىر روسىيەدە ياسالغان يولۇچىلار ئايروپىلانى ۋىنسۇئىلانىڭ ۋالىنسىيە دىگەن يېرىدە يەرگە چۈشۈپ كىتىپ 22 ئادەم قازا قىلغان.

تاماملىغان نۆۋەتلىك ئايروپىلان ئۇچۇش قىتىم سانى:320مىڭ

ئاۋارىيە سانى :8

قازا قىلغان ئادەم سانى:404

　　
　　
　　
　　
2. جۇڭخۇا ئاۋىئاتسىيە شىركىتى China Airlines
　　
يېقىنقى نەچچە يىلدىن بۇيان بىر قانچە ئاۋارىيە يۈز بەرگەن بولۇپ، ناھايىتى كۆپ ئادەمنىڭ ئۆلۈشىنى كەلتۈرۈپ چىقارغان. ئەڭ ئەڭ ئېغىر بولغىنى 2002-يىلىدىكى تەيۋەندىن شىياڭگاڭغا ئۇچقان ئايروپىلاننىڭ دېڭىزغا چۈشۈپ كېتىشى، بۇ قىتىمدا 225 ئادەم قازا قىلغان.
　　
　　
　　تاماملىغان نۆۋەتلىك ئايروپىلان ئۇچۇش قىتىم سانى:910مىڭ
　　ئاۋارىيە سانى :6
　　قازا قىلغان ئادەم سانى:763 

3ئېران ئاۋىئاتسىيە شىركىتى Iran Air
　　
　　
　　
　　
20-ئەسىرنىڭ ئاخىرقى 20 يىلى ئىچىدە، ئېران ئاۋىئاتسىيىسىدە 3 قىتىم چوڭ ئاۋارىيە يۈز بەرگەن. يېقىنقى 10يىلدىن بۇيان يەنە 3 قىتىم ئاۋارىيە يۈز بەرگەن، ئەڭ ئىغىر بولغىنى1988-يىلى، ئېران ئاۋىئاتسىيە شىركىتىنىڭ بىر ئايروپىلانى چۈشۈپ كىتىپ 300 ئادەم قازا قىلغان.
　　
　　
　　تاماملىغان نۆۋەتلىك ئايروپىلان ئۇچۇش قىتىم سانى:970مىڭ
　　ئاۋارىيە سانى :6
　　قازا قىلغان ئادەم سانى:708

　
4.فىلىپپىن ئاۋىئاتسىيە شىركىتى Philippine Airlines
　　
　　
فىلىپپىن ئاۋىئاتسىيە شىركىتى بىر يۈرۈش تېررورلۇق ۋەقەسىنىڭ زىيىنىغا ئۇچراپ بۇ تىزىملىككە چۇشۇپ قالغان. بۇ شىركەتنىڭ 70 يىللىق تارىخى جەريانىدا .ئاز دىگەندە 3 قىتىم بومبىنىڭ ھۇجۇمىغا ۋە بىر قىتىم ئايروپىلان بۇلاش ۋەقەسىگە ئۇچرىغان. ئەڭ ئېغىر بولغان بىر قىتىملىق ۋەقە بولسا، ئايروپىلاننىڭ ھاجەتخانىسىدا پارتلاش يۈز بېرىپ پۇتۈن ئايروپىلاننىڭ پارچىلىنىپ چۈشۈپ كىتىشىنى كەلتۈرۈپ چىقارغان. ئايروپىلاندىكى 36 ئادەم قازا قىلغان.
　　
　　
　　تاماملىغان نۆۋەتلىك ئايروپىلان ئۇچۇش قىتىم سانى:بىر مىليون180مىڭ
　　ئاۋارىيە سانى :6
　　قازا قىلغان ئادەم سانى:107

　　
5. كېنىيە ئاۋىئاتسىيە شىركىتى Kenya Airways
　　
　　
　　
　　
گەرچە بۇ شىركەتنىڭ ئايروپىلاندا پەقەت 2 قىتىم ئاۋارىيە يۈز بەرگەن بولسىمۇ، نىسپەتەن ئاز بولغان نۆۋەتلىك ئايروپىلان قىتىم سانى بۇشىركەتنىڭ ئاۋىئاتسىيىسىنى ناھايىتى خەتەرلىك قىلىپ كۆرسىتىپ قويغان. بۇ 2 ئاۋارىيە كىچىدە يۈز بەرگەن. 2000-يىلى، بىر يولۇچىلار ئايروپىلانى ئاتلانتىك ئوكيانغا چۈشۈپ كىتىپ 169 ئادەم قازا قىلغان.2007-يىلى، بىر يولۇچىلار ئايروپىلانى كامىرونغا چۈشۈپ كىتىپ 114 ئادەم قازا قىلغان.
　　
　　
　　تاماملىغان نۆۋەتلىك ئايروپىلان ئۇچۇش قىتىم سانى:450مىڭ
　　ئاۋارىيە سانى :2
　　قازا قىلغان ئادەم سانى:283
　　

6. مىسىر ئاۋىئاتسىيە شىركىتى Egypt Air
　　
20-ئەسىرنىڭ 70-يللىرىدىن بۇيان، مىسىر ئاۋىئاتسىيىسىدە تېررورلۇق ھۇجۇمنى ئۆز ئىچىگە ئالغان بىر قاتار ۋەقەلەر يۈز بەرگەن. ئەڭ ئېغىر ئاۋارىيە 1999-يىلى يۈز بەرگەن ،بۇ شىركەتنىڭ نيۇيورك كېننىدى ئايرودورومىدىن قاھىرەگە قاراپ ئۇچقان بىر يولۇچىلار ئايروپىلانى ئاتلانتىك ئوكيانغا چۈشۈپ كەتكەن ۋە ئايروپىلاندىكى 217 ئادەمنىىڭ ھەممىسى قازا قىلغان.
　　
　　
　　تاماملىغان نۆۋەتلىك ئايروپىلان ئۇچۇش قىتىم سانى:1مىليون 70مىڭ
　　ئاۋارىيە سانى :4
　　قازا قىلغان ئادەم سانى:402

　　
7.پاكىستان خەلىقئارا ئاۋىئاتسىيە شىركىتىPakistan International Airlines
　　
پاكىستان خەلىقئارا ئاۋىئاتسىيە شىركىتى بولسا ئاسىيادىكى تۇنجى بولۇپ يولۇچىلار رېئاكتىۋ ئايروپىلانى ئىشلەتكەن ئاۋىئاتسىيە شىركىتى. تارىختا ئاۋارىيەكۆپ قىتىم يۈز بەرگەن .ئەڭ ئېغىر ئاۋارىيە 1992-يىلى يۈز بەرگەن ،نىپالغا قاراپ ئۇچقان بىر يولۇچىلار ئايروپىلانى ناچار ھاۋا تەسىرىدىن تاغلىق رايونغا چۈشۈپ كەتكەن ۋە ئايروپىلاندىكى 167 ئادەم قازا قىلغان.
　　
　　
　　تاماملىغان نۆۋەتلىك ئايروپىلان ئۇچۇش قىتىم سانى:1مىليون 430مىڭ
　　ئاۋارىيە سانى :5
　　قازا قىلغان ئادەم سانى:440
　

　
8.كولۇمبىيە ئاۋىئاتسىيە شىركىتى Avianca
　　
گەرچە كولۇمبىيە ئاۋىئاتسىيە شىركىتى ئۇزۇن يىللىق تارىخقا ئىگە بولسىمۇ ، لىكىن كۆپ قىتىم يۈز بەرگەن ئاۋارىيە ئۇلارنىڭ نامىغا داغ كەلتۈرگەن.ئەڭ ئېغىر ئاۋارىيە 1983-يىلى يۈز بەرگەن ، بۇ شىركەتنىڭ بىر ئاروپىلانى مادرىددا چۈشۈپ كەتكەن ۋە ئايروپىلاندىكى 181 ئادەمنىڭ ھەممىسى قازا قىلغان.
　　
　　
　　تاماملىغان نۆۋەتلىك ئايروپىلان ئۇچۇش قىتىم سانى:1 مىليون 470مىڭ
　　ئاۋارىيە سانى :4
　　قازا قىلغان ئادەم سانى:500
　　
　

　
9. ئاۋىئاتسىيە شىركىتى تايلانت خەلىقئارا Thai Airways
　　
20- ئەسىرنىڭ 80-90يىللىرىدا ئاۋارىيە كۆپ يۈز بەرگەن، كىشىكەر قورقۇپ يىراق تۇرىدىغان بولۇپ قالغان. ئەڭ ئېغىر ئاۋارىيە 1992-يىلى يۈز بەرگەن، يولۇچىلار ئايروپىلانى كاتماندۇدىن ئۇچۇشقا كۆتۈرۈلگەندىن كىيىن چۈشۈپ كەتكەن ۋە 113 كىشى قازا قىلغان.
　　
　　
　　تاماملىغان نۆۋەتلىك ئايروپىلان ئۇچۇش قىتىم سانى:1 مىليون980مىڭ
　　ئاۋارىيە سانى :4
　　قازا قىلغان ئادەم سانى:352
　

　
10. ھىندونوزىيە بۈركۈتى ئاۋىئاتسىيە شىركىتى Garuda
　　
ھىندونوزىيە بۈركۈتى ئاۋىئاتسىيىسىدە كۆپ يىلدىن بېرى ئاۋارىيە ئۈزۈلمىگەن. ئەڭ ئېغىر بولغان بىر قىتىملىقى 1997-يىلى يۈز بەرگەن، بۇ چاغدا ئورمانلىققا كەتكەن ئوت كۆرۈش دەرىجىسىنى تەسىرگە ئۇچراتقان بولغاچقا ، يولۇچىلار ئايروپىلانى تاغ ئارىسىدا يەرگە چۈشۈپ كەتكەن ۋە 234 ئادەم قازا قىلغان.
　　

　　تاماملىغان نۆۋەتلىك ئايروپىلان ئۇچۇش قىتىم سانى:2مىليون
　　ئاۋارىيە سانى : 4

 قازا قىلغان ئادەم سانى:431

لەگلەك تورى تەرجىمىسى