شىنجاڭدىكى تۇنجى شەھەرلەر ئارا قاتنايدىغان پويىز «شىمالىي شىنجاڭ يۇلتۇزى» 1-ماي تىجارەت باشلىغانلىقىغا بىر يىل بولغان تۇغۇلغان كۈننى كۈتۈۋالىدۇ.
«شىمالىي شىجاڭ يۇلتۇزى» ناملىق پويىز تىجارەت باشلىغان بىر يىلدىن بۇيان جەمئىي 2 مىليون 335 مىڭ 700 ئادەم (قېتىم ) ساياھەتچى توشۇغان بولۇپ، كۈنىگە ئوتتۇرا ھېساب بىلەن 6399 ئادەم ( قېتىم ) يولۇچى توشۇغان. ھېيت-بايرام ۋە قىشلىق، يازلىق تەتىل مەزگىلىدە توشۇلغان ساياھەتچىلەرنىڭ سانى ئۇنىڭدىنمۇ كۆپ بولغان. بۇ پويىز ئۈرۈمچى، شىخەنزە، كۈيتۈن ۋە قاراماي قاتارلىق تۆت شەھەردىكى ئاھالىلەرگە چەكسىز ئۈمىد بېغىشلايدىغان «بەخت تېز پويىزى» غا ئايلىنىپ، بىخەتەر، تېز، قولايلىق بولۇش ئەۋزەللىكى بىلەن ئىقتىساد چەمبىرىكى رايونىدىكى 1 مىليوندىن ئارتۇق كىشىنىڭ تۇرمۇش ئۇسۇلىنى ئۆزگەرتتى ھەمدە تەڭرىتېغىنىڭ شىمالىدىكى ئىقتىساد بەلبېغى ياقىسىدىكى شەھەرلەر قۇرۇلۇشىنى ھەرىكەتلەندۈرگۈچ كۈچ بىلەن تەمىنلىدى.