11-ئاينىڭ 27-كۈنى كەچتە، تېمپېراتۇرىنىڭ تۆۋەنلىشى بىلەن بالا ئازراق زۇكامداپ قالغان، شۇنىڭ بىلەن ئائىلىسىدىكىلەر ئۇنىڭغا قېلىن كىيىملەرنى كىيدۈرۈۋەتكەن، گەرچە بالىنىڭ پۈتۈن بەدىنى تەرگە چۆمۈپ كەتكەن بولسىمۇ، لېكىن ئۆيىدىكىلەر كۆپ تەرلىسە زۇكام ياخشى بولۇپ كېتىدۇ دەپ قارىغان.     28-نويابىر ئەتىگەندە، ئۆيدىكىلەر نيەننيەننىڭ قىزىتمىسىنىڭ ئۆرلەپ، يۈزلىرىنىڭ قىززىپ ماغدۇرسىزلىنىپ كەتكەنلىكىنى بايقىغان. شۇنىڭ بىلەن ئۇنىڭ بوۋا-مومىسى نيەننيەننى تېخىمۇ قېلىن كىيدۈرۈپ، شۇ ئارقىلىق قىزىتمىسىنى قايتۇرماقچى بولغان. ئەمما كەچ سائەت يەتتە بولغاندا، نيەننيەننىڭ قىزىتمىسى يەنىلا يانماي نەپىسى ئاجىزلاپ، چىرايى تاتىرىپ، كالپۇكلىرى قارىداپ كەتكەن. بۇ ئەھۋالدىن قورقۇپ كەتكەن ۋاڭ ئەپەندى بالىنى ۋۇخەن شەھەرلىك بالىلار دوختۇرخانىسىغا ئېلىپ بارغان.

     دىئاگىنوز قويغان دوختۇرنىڭ دېيىشىچە، شۇ ۋاقىتتا بالىنىڭ ئىچ كىيمىدىن باشقا، يەنە ئىككى يۇڭ پوپايكا، بىر نېپىز چاپان، بىر قېلىن پاخىتىلىق چاپان كىيىپ، تېشىنى قېلىن ئورىۋەتكەنىكەن. بالىنىڭ كېيىنكى تەكشۈرۈش نەتىجىسى دوختۇرلارنىڭ ئەنسىرىگىنىدەك چىققان، يەنى نيەننيەندە «بوۋاقلاردىكى ئوكسىگېن يېتىشمەسلىك يىغىندى كېسەللىكى <ھەددىدىن زىيادە ئىسسىق، دىمىقنىڭ ئۇزۇن داۋاملىشىشى كەلتۈرۈپ چىقىرىدىغان ئوكسىگېن يېتىشمەسلىك، يۇقىرى قىزىتما، قاتتىق تەرلەش، سۇسىزلىنىش، تارتىشىپ قېلىپ ھوشىدىن كېتىش، ھەتتا نەپەس ئېلىشى ئاجىزلىشىشتەك قىش پەسلىدە دائىم كۆرۈلىدىغان جىددىي كېسەللىك)» كۆرۈلگەن، شۇ سەۋەبتىن بالا قاتتىق تەرلەپ سۇسىزلىنىپ، مېڭىدىكى قان ئايلىنىش مىقدارى ئازىيىپ، مېڭە توقۇلمىلىرىغا قان، ئوكسىگېن يېتىشمىگەن. ئەپسۇسلىنارلىقى شۇكى، ئىسسىقتا ئۇزۇن تۇرۇش سەۋەبىدىن كۆپ قىسىم ئەزالارنىڭ ئىقتىدارى ئاجىزلاپ قاناش ئەھۋالى كۆرۈلگەن، ئىككىنچى كۈنى چۈشتىن كېيىن، نيەننيەن قۇتقۇزۇش ئۈنۈم بەرمەي قازا قىلغان.

    شەھەرلىك بالىلار دوختۇرخانىسىنىڭ جىددىي قۇتقۇزۇش بۆلۈمىدىكى كاندىدات مۇدىر ۋراچنىڭ تونۇشتۇرۇشىچە، ئوكسىگېن يېتىشمەسلىك يىغىندى كېسەللىكى ئاساسەن بىر ياشتىن تۆۋەن بوۋاقلاردا كۆپ يۈز بېرىدىكەن. يېڭى تۇغۇلغان بوۋاقلارنىڭ نەپەس، بەدەن تېمپېراتۇرىسىنى تەڭشەش مەركىزى تېخى تولۇق يېتىلمىگەنلىكتىن، ئۆز بەدىنىنىڭ تېمپېراتۇرىسىنى تەڭشەش ئىقتىدارى چەكلىك، سىرتقى مۇھىتقا ماسلىشىش ئىقتىدارى ناچار بولغاچقا، ئىسسىقنىڭ داۋاملىشىشى بالىنىڭ ماددا ئالماشتۇرۇشىنى تېزلىتىپ، ئوكسىگېن سەرپىياتىنى ئاشۇرۇۋېتىدىكەن، بۇنداق ئەھۋال يېنىكرەك بولسا كېسەللىك ئاسارىتى قالىدىكەن، ئېغىر بولغاندا ئۆلۈمنى كەلتۈرۈپ چىقىرىدىكەن.

   ئىگىلىنىشىچە، ھەر يىل 10-ئايدىن كېيىنكى يىلى 3-ئايغىچە بۇ خىل كېسەللىك ئەڭ كۆپ يۈز بېرىدىغان بولۇپ، بۇ دوختۇرخانا مۇشۇ يىلنىڭ ئاخىرىغىچە مۇشۇنداق بىماردىن 13 نى قوبۇل قىلغان.