تاراتقۇلارنىڭ خەۋىرىگە ئاساسلانغاندا، مىسىر ساقچى قىسمى 23-نويابىر بايانات ئېلان قىلىپ، چېگرادىكى ھەربىي قىسىمنىڭ مىسىر بىلەن ئىسرائىلىيە چېگرىسىدا 5 نەپەر چېگرادىن قانۇنسىز ئۆتمەكچى بولغان سۇدانلىقنى ئېتىپ ئۆلتۈرگەنلىلىكىنى ئېلان قىلغان.

مىسىر ئەمەلدارىنىڭ بىلدۈرىشىچە، بۇ ھەربىي قىسىم شۇكۈنى سەھەردە مىسىر بىلەن ئىسرائىلىيەنىڭ چېگراسىدا بىر توپ كىشىنىڭ ئىسرائىلىيە چېگرىسىغا كىرمەكچى بولغانلىقىنى بايقىغان ھەمدە ئۇلارنى ئاگاھلاندۇرغان، لېكىن بۇ كىشىلەر ھەربىي قىسىمغا ئڭق چىقىرىپ، بىر ھەربىينىڭ يارىلىنىشىنى كەلتۈرۈپ چىقارغان. ئاندىن ھەربىي قىسىم قايتارما زەربە بېرىپ، 5 كىشىنى ئېتىپ ئۆلتۈرگەن، 6 كىشىنى يارىلاندۇرغان، 5 كىشىنى قولغا ئالغان، بۇ 16 كىشىنىڭ سۇدانلىق قانۇنسىز مۇساپىر ئىكەنلىكى ئېنىقلانغان.

11-ئاينىڭ 15-كۈنى، مىسىر ھۆكۈمىتى مىسىر بىلەن ئىسرائىلىيەنىڭ چېگراسى ئەتراپىدا ئافرىقىلىق 15 كىشىنىڭ جەسىتىنى بايقىغانلىقىنى ئېلان قىلغان ھەمدە ئۇلارنىڭ كىمنىڭ قولىدا ئۆلگەنلىكىنى تەكشۈرۈپ ئىنىقلاپ چىقالمىغان.

ئىسرائىلىيە ۋە پەلەستىن بىلەن چېگرىلىشىدىغان مىسىرنىڭ سىناي ئۆلكىسى ئەزەلدىن مىسىرنىڭ ئەڭ قالايمىقان رايونلىرىنىڭ بىرى. كۆپلىگەن ئافرىقىلىقلار بۇ جايدىن ئۆتۈپ ئىسرائىلىيەگە كىرمەكچى بولىدۇ، سىناي ئۆلكىسىنىڭ ھەربىي قىسمىمۇ كۆپ قېتىم «ئىرۇسالىم قوللىغۇچىلىرى» تېررورلۇق تەشكىلاتى بىلەن توقۇنۇشقان، ئۆلۈم-يېتىم كۆپ بولغان.