يەرشارى تورى ئۇنىۋېرسال خەۋىرى: ئامېرىكا زۇڭتۇڭى ئوباما فىلىپپىندىكى تۇنجى مەيدان پائالىيىتىنى ھەربىي ئىشلار بىخەتەرلىكىگە قاراتتى، ئۇ ئالدى بىلەن مانىلاغا يېتىپ بېرىپ <<دېلپىلار>> ناملىق ھەربىي پاراخوتنى ئېكسكۇرسىيە قىلدى. ئامېرىكا بىرلەشمە ئاگېنتلىقىنىڭ خەۋەر قىلىشىچە، ئوباما ئامېرىكا-فىلىپپىن ئىككى دۆلەت ئەسكەرلىرىگە سۆز قىلغاندا مۇنداق دېگەن: ئامېرىكىنىڭ فىلىپپىننى قوغداش ۋەدىسى بار، ئامېرىكا بۇ رايوننىڭ بىخەتەرلىكىگە كاپالەتلىك قىلىشقا ۋەدە بەرگىنىگە 70 يىلدىن ئاشتى، بىزنىڭ شەرتنامىدە مەجبۇرىيىتىمىز بار، ۋەدىمىزنى ھېچنېمە بۇزالمايدۇ، بىز فىلىپپىندەك ئىتتىپاقداش دوستىمىزنى قوغدايمىز، سىلەر ئامېرىكىغا ئىشەنسەڭلار بولىدۇ، مېنىڭ بۇ قېتىمقى زىيارىتىم بىزنىڭ بۇ رايوننىڭ سۇ تەۋەلىكى بىخەتەرلىكى ۋە يول يۈرۈش ئەركىنلىكىگە بولغان ۋەدىمىزنى گەۋدىلەندۈرۈشتىن ئىبارەت.