ئىز تورى-爱智网

　　 

باھا تاكتىكىسى: باھا تاكتىكىسى دۇكاندىكى ماللارنى سېتىلىش قىممىتىگە ئايرىپ، بىر خىل باھادا سېتىشنى كۆرسىتىدۇ. ھازىرقى بىر-ئىككى يۈەنلىك تاللا بازىرى مۇشۇ ئۇسۇلدىن ئۈلگە ئالغان. ئەڭ كىچىك بىرلىك بىلەن باھا قويۇش تاكتىكىسى: مەسىلەن، ھەر كىلوگىرامى ئون يۈەنلىك مالغا 50 گىرامى بەش مو دەپ باھا قويۇش. ئالاھىدە يۇقىرى باھا قويۇش تاكتىكىسى: بازارغا يېڭىدىن سېلىنغان مالنى يۇقىرى باھادا سېتىش، ئەمما ۋاقتى ئۇزىراپ كەتمەسلىك لازىم. پارچە سان ئىشلىتىش تاكتىكىسى: مال باھاسىنى پارچە سان بىلەن بېكىتىش كېرەك. ئون يۈەنلىك مالنىڭ باھاسىنى 9.8 يۈەن قىلىپ بېكىتسە، خېرىدارلارنىڭ سېتىۋېلىش قىزغىنلىقىنى ئاشۇرغىلى بولىدۇ. پۈتۈن سان ئىشلىتىش تاكتىكىسى: باھاسى يۇقىرى، سۈپەت جەھەتتىن ئەلا، داڭلىق كىشىلەرنىڭ نامى بىلەن ئاتالغان ماللارنى پۈتۈن سان بويىچە باھا قويۇپ ساتسا، ئاسان ساتقىلى بولىدۇ. دەرىجىگە ئايرىش تاكتىكىسى: بۇ سېتىلغان مالنى باھا، سۈپەت دەرىجىسى بويىچە ئايرىپ سېتىشنى كۆرسىتىدۇ.