تىببىي ئالىملارنىڭ قارىشىچە ، ئادەم چىراغ يورۇقىدا ئۇخلىغاندا بەدەننىڭ ئىمۇنىتېت ئىقتىدارىغا تەسىر يېتىپ ، ئاسانلا راك كېسىلىگە گىرىپتار بولىدىكەن . چۈنكى چىراغ يورۇقىدا ئۇخلىغاندا ئادەم بەدىنىدىكى مىلاتونىن دەيدىغان ئاجرالما توسالغۇغا ئۇچراپ ئىممۇنىتېت ئىقتىدارىنى تۆۋەنلىتىپ ، ئادەمنى ئاسانلا كېسەللىك ۋىرۇسىنىڭ تەھدىتىگە ئۇچرىتىدىكەن . تەتقىقاتچىلارنىڭ كۆرسىتىشىچە ، دائىم كېچىلىك ئىسمېنىدا ئىشلەيدىغانلارنىڭ راك كېسىلىگە گىرىپتار بولۇش نىسبىتى باشقا كىشىلەرگە قارىغاندا ئىككى ھەسسە يۇقىرى بولىدىكەن . ئۇندىن باشقا يەنە ماتورلۇق ئېلىكتر ئەسۋابلىرى ئەگەر كارىۋاتقا يېقىن جايلاشتۇرۇلسا ، ئۇلاردىن تارقىغان ئېلىكتر ماگنىت دولقۇنى ئادەم بەدىنىگە تەسىر قىلىپ ھورمونلارنىڭ ئاجرىلىپ چىقىرىلىشىنى قالايمىقانلاشتۇرىۋېتىدۇ .
بۇ مەزمۇن ئىز تورىدىن كۆچۈرۈلگەن
تەتقىقاتلاردىن مەلۇم بولۇشىچە ، ئادەم مېڭىسىنىڭ ئىچكى ئاجراتما ئەزاسى بولغان مېڭە ئۈستى بېزى كېچىسى ئادەم ئۇيقۇ ھالىتىگە كىرگەندە كۆپ مىقداردا مىلاتونىن ئاجرىتىپ چىقىرىدىكەن ھەمدە تاڭ ئېتىپ يورۇقلۇق چۈشۈشى بىلەن توختايدىكەن . مىلاتونىننىڭ ئاجرىلىپ چىقىشى بىلەن سىمپاتىك نېرۋىنىڭ قوزغىلىشچانلىقى تورمۇزلىنىپ ، قان بېسىمى تۆۋەنلەپ يۈرەك سوقۇشى ئاستىلاپ (ئادەم رەسمىي ئۇيقۇ ھالىتىگە كىرگەندە) ھارغىنلىقنى تۈگىتىش ئارقىلىق بەدەننىڭ ئىممۇنېت ئىقتىدارىنى كۈچەيتىدىكەن . ئىز تورى www.iz.la
لېكىن ئارىلىق مېڭە ئۈستى بېزىنىڭ ئەڭ چوڭ ئالاھىدىلىكى شۇلدۇركى ، كۆز ئالمىسى يورۇقلۇقنى سەزگەن ھامان مىلاتونىننىڭ ئاجرىلىپ چىقىرىلىشىنى تورمۇزلايدىكەن . بۇنداق بولغاندا كېچىسى ئىشلەيدىغانلار (يەنى كېچىسى ئىشلەپ كۈندۈزى ئۇخلايدىغانلار) ئىممۇنېت ئىقتىدارى تېز تۆۋەنلەپ ئاسانلا راك كېسىلىگە گىرىپتار بولۇپ قالىدۇ . www.iz.la
