مىنىڭ ھېس قىلىشىمچە تۇرمۇشنى كەڭ قورساقلىق ، ئاق كۆڭۈللۈك ، سەمىمىيلىك بىلەن كۆزەتكەندە ئۇ تەڭداشسىز گۈزەللىكى بىلەن بىزنى ھۇزۇرلاندۇرالايدىكەن ، بەھىرلەندۈرەلەيدىكەن . ئەگەر ، تۇرمۇشنى تەنھالىق، زەئىپلىك ، چۈشكۈنلۈك ، بۇرۇختۇملۇق ، ئۈمۈدسىزلىك ئىچىدە كۆزەتسە ، ئۇ تولىمۇ خۇنۈك ، رەزىل ، ئەھمىيەتسىز كۆرۈنىدىكەن . تۇرمۇشقا سەمىمىي پوزىتسىيىدە بۇلۇش ئەمىليەتتە ئۆزىگە سەمىمىي ،ئاق كۆڭۈل بۇلۇش ئىكەن . ئەسلىدە ئادەم ، جەمئىيەت ، تەبىئەت ئورگانىك ھالدا بىرىككەن بولىدىكەن . ئادەم تۇرمۇش ئىچىدە بارلىققا كېلىدىكەن ، تۇرمۇش ئىچىدە چوڭ بولىدىكەن ، تۇرمۇش ئىچىدە مۇكەممەللشىدىكەن . ئادەم بولمىسا تۇرمۇشمۇ مەۋجۈت بولمايدىكەن ، تۇرمۇش بولمىسا ئادەممۇ بولمايدىكەن . ئەمما تۇرمۇشنى كۆڭۈللۈك ، خوشال- خورام ، ئۈمۈدۋارلىق ئىچىدە ئۆتكۈزۈش ئىنسانغا خاس گۈزەل ئەخلاقى پەزىلەت ئىكەن . ئادەم دائىم قىيىنچىلىقنىڭ ئېغىرلىقىنى ، تۇرمۇشنىڭ جاپالىقلىقىنى ، چىقىمنىڭ كۆپلىكىنى ، تۇرمۇش بېساتلىرىنىڭ كەمچىلىكىنى تەكىتلەپ ، تۇرمۇش ئۈستىدە قاقشاپ ، ۋايساپ ئۆتسە بۇنداق كىشىلەرنىڭ قەلبىدە تۇرمۇشقا نىسپەتەن قىلچە ئىللىقلىق ، مىھىر - مۇھەببەت ، مەسئۇليەتچەنلىق بولمايدىكەن . ئادەم ئۆزىگە سەمىمىي ، مەسئۇليەتچەن بولسا ، باشقىلارغىمۇ مىھىر- مۇھەببەت يەتكۈزەلەيدىغان ، باشقىلاردىنمۇ مىھىر- شەپقەتكە ئېرىشەلەيدىغان . ئۆزىنىڭ قەلبىنىڭ چوڭقۇر قاتلىمىدىكى ئىللىقلىقتىن بەھىرمەن بولالايدىكەن تۇرمۇش گۈزەللىككە تولىدىكەن . تۇرمۇشنىڭ بەخىتلىك بۇلىشى ھەرگىزمۇ پۇل، ماڭ- دۇنيانىڭ كۆپلۈكى ، نام ، ئەمەل ، مەنسەپنىڭ يۇقۇرلىقى بىلەن ئۆلچەنمەيدۇ . جىمىيەتتە ھۇقۇق ، ماڭ= دۇنياغا كۆمۈلۈپ كەتكەن ، بىراق تۇرمۇشى زەئىپلىك ، چۈشكۈنلۈك ئىچىدە ئۆتىۋاتقانلارمۇ ، تۇرمۇشى نامراتلىق ، يوقسۇزلۇق ، خاپا- مۇشەققەت ئىچىدە ئۆتسىمۇ ، ئەمما كۆڭۈل كۆكسىنى كەڭ تۇتۇپ ، روھىي باياشاتلىق ئىچىدە ئۆتىۋاتقانلارمۇ ئاز ئەمەس . پەقەت تۇرمۇشقا ئۈمۈدۋارلىق بىلەن پوزىتسىيە تۇتقاندىلا ، ئاددى كىشىلىك تۇرمۇشنى مۇكەممەل ، ئەھمىيەتلىك ، خوشال-خورام ئۆتىدۇ . پەقەت قەلبىمىزدە مىھىر- مۇھەببەت بولسىلا دۇنيا ئىللىقلىققا ، شات- خوراملىققا چۆمىدۇ .
ئىز تورى بەك ياخشى
ماتىريالدىن ئېلىندى -- ئىز تورىدا ئىزلىرىمىز قالسۇن!
