ئىز تورى-爱智网

　　  جۇڭگو ئۇيغۇرچە رادىيو تورى 22-نويابىر بېيجىڭ خەۋىرى: شىنجاڭ ئۇيغۇر ئاپتونوم رايونىنىڭ ئىلى ئوبلاستىدا 1-نويابىر يەر تەۋرىگىنىگە يېرىم ئايدىن ئاشتى، ھۆكۈمەت ۋە جەمئىيەتنىڭ ھەر ساھەسىنىڭ ھەر تەرەپلىمە ياردىمى ئارقىسىدا، ئاپەتكە ئۇچرىغان ئاممىنىڭ قىشلىق تۇرمۇشى كاپالەتكە ئىگە بولدى. تونۇشتۇرۇلۇشىچە، يەر تەۋرىگەندىن كېيىن، ئاپتونوم رايونلۇق ھۆكۈمەت ئون مىليون يۈەن ئاپەتتىن قۇتقۇزۇش مەبلىغىنى جىددىي ئاجراتقان، خەلق ئىشلىرى تارماقلىرى 1700دىن ئارتۇق ئاپەتتىن قۇتقۇزۇش چېدىرى، ئالتە مىڭ يوتقان-كۆرپە، بەش مىڭ جۇۋا، ئىككى مىڭ جۈپ پاختىلىق ئاياغ، 5040 توننا كۆمۈر، 670 مەش، 600 توننىدىن ئارتۇق ئاشلىقنى ئاپەت بولغان جايلارغا جىددىي يۆتكەپ تارقىتىپ، ئاپەتكە ئۇچرىغان ئاممىنىڭ تۇرمۇشىنى كۈچلۈك كاپالەتكە ئىگە قىلغان. نۆۋەتتە، چېدىرلاردا تۇرۇۋاتقان ئامما چېدىردىن تولۇق كۆچۈپ چىققان، ئاپەتكە ئۇچرىغان ئاممىنىڭ ئىشلەپچىقىرىش، تۇرمۇشى ئاساسەن ئەسلىگە كەلگەن.