ئىز تورى-爱智网

　　  جۇڭگو ئۇيغۇرچە رادىيو تورى 27-ئۆكتەبىر بېيجىڭ خەۋىرى: تۈركىيە ئارمىيەسى 25-ئۆكتەبىر بايانات ئېلان قىلىپ، بەزى تاراتقۇلاردا بېرىلگەن خەۋەر راست ئەمەس، دەپ تەنقىد قىلدى ھەمدە تۈركىيە ئارمىيەسى 24-ئۆكتەبىر كەچتە ئىراق تەۋەسىگە كىرمىدى دېدى. تۈركىيە تاراتقۇلىرى خەۋپسىزلىك تارمىقىنىڭ خەۋەردار ئەربابىنىڭ سۆزىنى نەقىل كەلتۈرۈپ مۇنداق دېدى: تۈركىيە ئارمىيەسى 24-ئۆكتەبىر كەچتە چېگرىدىن ئۆتۈپ، ئىراقنىڭ شىمالىغا كىردى، خافتانىن رايونىدا ھۆكۈمەتكە قارشى كۇرد ئىشچىلار پارتىيەسى قۇراللىق كۈچىلىرىگە قوغلاپ زەربە بەردى، تۈركىيەنىڭ ئۇرۇش ئايروپىلانلىرى ھاۋا ھۇجۇمىغا قاتناشتى. بۇ خەۋەر تۈركىيە ئارمىيەسى، كۇرد ئىشچىلار پارتىيەسى ۋە ئىراق چېگرا قىسىمىنىڭ ئىنكار قىلىشىغا ئۇچرىدى. تۈركىيە تانكا قىسمى سىلوپىنىڭ شەرقىدىكى رايوندا ھەربىي مانېۋىر ئۆتكۈزدى، بۇ يەر تۈركىيە ئىراق چېگرىسىنىڭ تۈركىيە تەرىپىگە جايلاشقان.