ئارگېنتىنا ئاخبارات ۋاستىلىرىنىڭ خەۋەر قىلىشىچە ، ئارگېنتىنا كېڭەش پالاتاسى 15-ئىيۇل قارار ماقۇللاپ ئوخشاش جىنسلىقلارنىڭ توي قىلىشىنى چەكلەش قانۇن لاھىيىسىنى رەسمىي بىكار قىلغانلىقىنى جاكارلىدى . بۇنىڭ بىلەن ئارگېنتىنا لاتىن ئامېرىكىسىدىكى ئوخشاش جىنىسلىقلارنىڭ نىكاھلىنىشىنى قانۇنلاشتۇرغان تۇنجى دۆلەت بولۇپ قالدى .
شۇ كۈنى ئېچىلغان دۆلەت كېڭەش پالاتاسىنىڭ كېڭەيتىلگەن يىغىنىدا 16 سائەت داۋاملاشقان كەسكىن مۇنازىرىدىن كېيىن 33 بېلەتنىڭ قوشۇلۇشى ، 27 بېلەتنىڭ قارشى تۇرۇشى بىلەن مەزكۇر قارار ماقۇللۇقتىن ئۆتكەن . ئىلگىرى دۆلەت ئىچىدىكى كونسېرۋاتىپلار پارتىيىسى ۋە كاتولىك دىنى جەمئىيىتىنىڭ كۈچلۈك قارشى تۇرۇشى بىلەن ئوخشاش جىنسلىقلار مۇھەببىتى ئارگېنتىنادا ئىزچىل قانۇنسىز دەپ قارىلىپ كېلىۋاتقان بولۇپ ، يەنە نۇرغۇن كىشىلەر بۇ خىل چەكلەش قانۇنىنى بىكار قىلىشنى تەلەپ قىلىپ كۆپ قېتىم نامايىش ئۆتكۈزگەن .
