ب د ت ئاشلىق پىلان مەھكىمىسى ۋە نوپۇس بايلىق كومىتېتى يېقىندا ئىنسانلار نوپۇسى ، باي-نامراتلىق پەرقى ۋە بايلىقنىڭ تارقىلىشى قاتارلىق جەھەتلەردىكى ئەڭ يېڭى تەكشۈرۈش دوكلاتىنى ئېلان قىلدى : دوكلاتتا كۆرسىتىلىشىچە ھىندىستاننىڭ 8 ئۆلكىسىدىكى نامراتلار سانى ئافرىقىنىڭ جەنۇبىدىكى ئەڭ نامرات 26 دۆلەتتىكى نامراتلار سانىنىڭ يىغىندىسىدىنمۇ كۆپ ئىكەن !
ئوكسفورد ئۇنۋېرستېتى باش بولۇپ ئېلىپ بارغان <نامراتلىق ۋە ئىنسانلار تەرەققىياتى> تەتقىقات تۈرىدە كۆرسىتىلگەن كۆپ ئۆلچەملىك كۆرسەتكۈچلەر بويىچە ھېسابلىغاندا ، نۆۋەتتە دۇنيادىكى نامرات ئاھالىنىڭ تۆتتىن بىرى ئافرىقىدا بولۇپ ، بۇنىڭ ئىچىدە سەھرايى كەبىرنىڭ جەنۇبى ئاساسىي سالماقنى ئىگىلەيدىكەن . بۇ رايوندىكى ئەڭ نامرات 26 دۆلەتتىكى نامراتلار نوپۇسىنىڭ يىغىندىسى يەنە ھىندىستاندىكى نامرات ئاھالىنىڭ نوپۇسىغا يەتمەيدىكەن .
