جۇڭگو رادىئو تورى شىنجىن 5-ئاينىڭ 14-كۈنى خەۋرى، مۇخبىر بىگاڭ چېگرىسى بىرىنچى لىنىيسىنىڭ گۇڭدۇڭ جامائەت خەۋىپسىزلىك چىگرا مۇداپىيە 6-ئەترىتىدىن خەۋەرلىنىشىچە، 5-ئاينىڭ 12-كۈنى سەھەردە، بۇ ئەترەتنىڭ تەكشۈرگۈچى خادىمى ئون سائەتكە يېقىن پىستىرما قۇيۇپ كۆزىتىش ئارقىلىق، شېنجىن شەھىرى جەنۇبىي تاغ چەنيەنخەي تەرەققىيات رايونى لىيۈمىن چىگىرىسىدا چەتئەللىكلەر قوشۇنى ئوغۇرلۇقچە ئۆتۈش دېلوسىنى پاش قىلغان، نەق مەيداندا 12 نەپەر شياڭگاڭغا ئوغۇرلۇقچە قاچقان چەتئەل خادىملىرىنى قولغا ئالغان. نۆۋەتتە، بۇ ېىلو يەنىمۇ ئىچكىرىلەپ تەكشۈرۈلمەكتە.

تەكشۈرۈش خادىملىرىنىڭ تونۇشتۇرۇشىچە، 5-ئاينىڭ 11-كۈنى، ئاممىنىڭ مەلۇم قىلىشىچە شىنجىن شەھىرى جەنۇبىي تاغ رايونى مەلۇم ئاممىۋى مېھمانخانىدا كۆپ چەتئەل خادىملىرى توپلاشقان بۇلۇپ بۇلار بەلكىم تەشكىللىك ھالدا ئوغۇرلۇقچە قېچىش پائالىيىتىنى پىلانلىغان. دىلو تاپشۇرۋالغاندىن كېيىن، بۇ ئەترەت دىلو گۇرۇپپىسى تەشكىللەپ، ئىككى يولغا بۆلۈنۈپ، دەسلەپكى تەكشۈرۈش ئېلىپ بارغان ھەمدە چىيەنخەي چىگىرىسىغا پىستىرما قۇرغان، ئىككىنچى كۈنى سەھەردە، 12 نەپەر چەتئەللىك ئوغۇرلۇقچە قېچىش مېھمانلىرىنىڭ ھەممىسى قولغا ئېلىنىپ بىرسىمۇ توردىن چۈشۈپ قالمىغان.

تۇنجى سوراقتا، 12 نەپەر ئوغۇرلۇقچە قېچىش خادىملىرىنىڭ ھەربىرسى چىگرا ئىچى سىرتىنىڭ «يىلان بېشى» غا 38462 ئەتراپىدا (خەلق پۇلى 4000 يۈەن) بىنگال پۇلى تاپشۇرغاندىن كېيىن، نەچچە كۈن بۇرۇن گۇڭجۇ بەييۈن ئايرودرومىدىن جۇڭگو چىگىرىسىغا كىرگەن، ئاندىن پويىزغا ئولتۇرۇپ شىنجىندىكى مەلۇم مېھمانخانىغا توپلاشقان، ھەر ۋاقىت تەييارلىق بىلەن ئوغۇرلۇقچە شياڭگاڭغا بېرىپ «قارا ئىشچى» بولماقچى، كۈتۈلمىگەندە جامائەت خەۋپسىزلىكى چېگرا مۇداپىئە ئەسكەرلىرى تەرىپىدىن تۇتۇلغان.