يىغىندا << سەلتەنەت >> شىركىتىنىڭ دېرىكتورى مەمەتئېلى ئابدۇرېھىم بۈگۈنكى پائالىيەتكە قاتناشقان ئەزىز مېھمانلار، ۋاكالەتچىلەر، ئاخبارات ساھەسىدىكى دوستلارنىڭ قەدەم تەشرىپ قىلغانلىقىنى قىزغىن تەبرىكلىدى ۋە سەلتەنەت شىركىتىنىڭ نەچچە يىلدىن بۇيان قولغا كەلتۈرگەن نەتىجىلىرىنى شۇنداقلا بۇنىڭدىن كېيىنكى تەرەققىيات نىشانىنى قىسقىچە بايان قىلدى. ئۇ سۆزىدىن كېيىن، ئۈرۈمچى خەير-ساخاۋەت باش جەمئىيىتى ساخاۋەتچى ئاتىلار كوللېكتىپىنىڭ مەسئۇلى ھەسەنجان ئابدۇراخمان ئەپەندىگە 15 مىڭ يۈەن پۇلنى تۇتقۇزۇپ، بۇ پۇلنى ياردەمگە ئەڭ مۇھتاج كىشىلەرگە بېرىشنى تەۋسىيە قىلدى.
ئۈرۈمچى خەير-ساخاۋەت باش جەمئىيىتى ساخاۋەتچى ئاتىلار كوللىكتىپىنىڭ مەسئۇلى ھەسەنجان ئابدۇراخمان بۇ پۇلنى تاپشۇرۇۋېلىش بىلەن بىرگە، <<سەلتەنەت>> شىركىتىنىڭ دېرىكتورى مەمەتئېلى ئابدۇرېھىمنىڭ بۈگۈن رەسمىي ھالدا ساخاۋەتچى ئاتىلار كوللېكتىپىغا ئەزا بولغانلىقىنى ئېلان قىلدى. ساخاۋەتچى ئاتىلار كوللېكتىپىنىڭ باش مەسلىھەتچىلىرىدىن تۇرسۇن ھەسەن، ھاجى مۇختار بۇغرا شۇنداقلا سەلتەنەت شىركىتىنىڭ ئوبراز ۋەكىلى،شىنجاڭ تېلېۋىزىيە ئىستانىسىنىڭ كۆزگە كۆرۈنگەن رىياسەتچىسى ئۈمىد غەنى ئەپەندىلەرمۇ سۆز قىلىپ << سەلتەنەت >> شىركىتىنىڭ بۇنىڭدىن كېيىن، سۈپەتلىك، ئىشەنچلىك بولغان كىيىملەرنى بازارغا سېلىپ، ئۇيغۇر كىيىم-كېچەك ساھەسىدە تېخىمۇ زور نەتىجىلەرنى قولغا كەلتۈرۈشىنى ئۈمىد قىلىدىغانلىقىنى ئېيتتى.
مەمەتئېلىنىڭ ساخاۋەتلىك ئىشلىرىنى كۆرگەن نەق مەيداندىكى ۋاكالەتچىلەرمۇ شۇ ۋاقىتنىڭ ئۆزىدە 4000 يۈەندىن ئارتۇق پۇل يىغىپ، ساخاۋەتچى ئاتىلارنىڭ ساخاۋەت ئىشلىرى ئۈچۈن ئىشلىتىشىگە بەردى. ئۇنىڭدىن باشقا نۇرلان قوش تىل بالىلار باغچىسىنىڭ مەسئۇلى ساخاۋەتچى ئاتىلارنىڭ ساخاۋەت ئىشلىرىغا 10 مىڭ يۈەن ئىئانە قىلدى.
ياش كارخانىچى << سەلتەنەت >> شىركىتىنىڭ دېرىكتورى مەمەتئېلى ئابدۇرېھىم
ساخاۋەتچى ئاتىلار كوللېكتىپىنىڭ باش مەسلىھەتچىسى ھاجى مۇختار بۇغرا سۆز قىلماقتا
سەلتەنەت شىركىتىنىڭ ئوبراز ۋەكىلى،شىنجاڭ تېلېۋىزىيە ئىستانىسىنىڭ رىياسەتچىسى ئۈمىد غەنى سۆز قىلماقتا
يىغىن ئاخىرىدا ئەل سۆيگەن ناخشىچىلىرىمىزدىن ئەيسابەگ، ئابلاجان ئاۋۇت ئايۇپ قاتارلىقلار ئۆزلىرىنىڭ شوخ ناخشىلىرى ئارقىلىق يىغىن كەيپىياتىنى تېخىمۇ يۇقىرى كۆتۈردى.
