بىر ئەر تېلىفوندا شۇجىسىنىڭ ئاۋازىنى دوراپ 25 تۈمەن پۇلنى ئالداپ كەتكەن - huxhuy online----Sports|world News|it News|china News|Local News Business

جۇڭگو ساداسى تورىدا-سەنشياڭ كۈندىلىك خەۋەرلەر گېزىتى 5-ئاينىڭ 13-كۈنى خەۋرى، خىلمۇ-خىل ئالدامچىلار ئاۋاز بىلەن ئالدامچىلىق قىلىپ غەلبە قازانغان، ھەقىقەتمۇ ئەجەبلىنەرلىك! (خۇنەن) چاڭدې تاۋيۈەن ناھىيىسىدە ئولتۇرۇشلۇق گۇڭجىڭ فىڭ ناھىيىلىك پارتكوم تەشكىلاتى بۈلۈمىدىكى مەلۇم بىر رەھبەرنىڭ ئاۋازىنى دوراپ، بۇ ئۇسۇل بىلەن ئون نەچچە قېتىم ئالدامچىلىق دىلوسىنى تۇغدۇرغان، ئالداپ قولغا چۈشۈرگەن نەق پۇل 20 نەچچە تۈمەندىن ئارتۇق بولغان. 5-ئاينىڭ 10-كۈنى چۈشتىن بۇرۇن، چاڭدې ساقچى تەرەپ گۇڭجىڭ فىڭنى قانۇن بويىچە قولغا ئالغان.
4-ئاينىڭ 20-كۈنى چۈشتىن كېيىن، چاڭدې ساقچى تەرەپ تاۋيۈەن ناھىيىسىنىڭ مەلۇم يېزا ياچېيكا شۇجىسىنىڭ دىلو مەلۇماتىنى تاپشۇرۇۋالغان، دېيىشىچە « ناھىيىلىك پارتكوم تەشكىلاتىنىڭ مەلۇم بۆلۈم باشلىقى» 18300 يۈەن پۇلنى ئالداپ كەتكەن. ئۇنىڭدىن كېيىن، چاڭدې ساقچى تەرەپ يەنە كۆپ قېتىم مۇشۇنىڭغا ئوخشاش دىلو مەلۇماتىنى تاپشۇرۇۋالغان. دىلو سادىر قىلغۇچى، مەلۇم ناھىيىلىك پارتكوم تەشكىلاتى بۆلۈمى ۋە جامائەت سۇغۇرتا بۆلۈمى رەھبىرىنىڭ ئاۋازىنى دوراپ، «ياخشى سىياسەت» بىلەن يېزىدا ئۇزۇن مۇددەتلىك يېزا ياچايكا شۇجىسى بولغان رەھبەر ياشانغانلار جەمئىيەت سۇغۇرتىسىنى ھەل قىلىشنى بانا قىلىپ، تېلىفۇن ئۇرۇش ئۇسۇلى بىلەن پۇلنى ئالداپ ئېلىپ كەتكەن.
مۇناسىۋەتلىك تەكشۈرۈش بىلەن كونترول قىلىشقا ئورۇنلاشتۇرۇش ئارقىلىق، 4-ئاينىڭ 24-كۈنى كەچ سائەت 10 دا ساقچىلار چاڭدې پويىز ئىستانسىغا يېقىن يەردە شىمىن ناھىيىسىدىن ئالدامچىلىق قىلىپ قايتىپ كەلگەن گۇڭجىڭ فىڭ بىلەن شېرىكى لىڭگوچىڭنى بىرلىكتە قولغا ئالغان.
گۇڭجىڭ فىڭ بۇ يىل 51 ياش بولۇپ، 12يىلنىڭ ئالدىدا مەلۇم شەھەرلىك كومىتېت شۇجىسىنىڭ ئاۋازىنى دوراپ تېلىفۇن قىلىپ، 25 تۈمەن پۇلنى ئالداپ كەتكەن. ئىش پاش بولۇپ قالغاندىن كېيىن 12 يىل كېسىلگەن. بۇ يىل يىل بېشىدا جازا مۇددىتى توشۇپ قويۇپ بېرىلگەندىن كېيىن، گۇڭجىڭ فىڭ يەنىلا بۇ خىل ئۇسۇلنى قوللانغان.