ئىچكىرىدىكى 1600 نەپەر سەرگەردان بالا شىنجاڭغا قايتتى - huxhuy online----Sports|world News|it News|china News|Local News Business

شىنجاڭ خەۋەرلىرى تورى 12- ماي خەۋىرى، بۇ يىل مايغا قەدەر، ئىچكىرىدىن جەمئىي 1600 نەپەر قورامىغا يەتمىگەن بالىلار ئاپتونوم رايونغا قايتۇرۇپ كېلىنگەن، خەلق ئىشلىرى تارماقلىرى كۆپ خىل تەدبىرلەرنى قوللىنىپ، بالىلارغا «قايتىدىغان ئۆيى بولۇش، ئوقۇيدىغان مەكتىپى بولۇش، داۋالىنىدىغان دوختۇرخانا بولۇش» مۇھىتى يارىتىپ، «ئائىلىنىڭ ئىللىقلىقى» نى ھېس قىلدۇرغان.

10- ماي چۈشتىن كېيىن، مۇخبىر شىنجاڭ قۇتقۇزۇپ ياردەم بېرىشنى باشقۇرۇش پونكىتىنىڭ مېدىيالىق دەرسخانىسىغا كىرىپ، شاڭخەي، گۇاڭجۇ، خېيلۇڭجياڭ قاتارلىق جايلاردىن قايتۇرۇپ كېلىنگەن 20 نەچچە نەپەر قورامىغا يەتمىگەن بالىلارنىڭ ئوقۇتقۇچىسىغا ئەگىشىپ تېكىست ئوقۇۋاتقانلىقىنى كۆرگەن. 15 ياشلىق سەئىد. مەمەت ئۆگىنىش جەريانىدا كېچىكىپ كەلگەن بىر خىل خۇشاللىقنى ھېس قىلالىغانلىقىنى ئېيتىپ:«مەن ئىلگىرى خەنزۇچىنى ئانچە ياخشى سۆزلىيەلمەيتىم، ھازىر بۇ يەردە خېلىلا ياخشى ئۆگىنىپ قالدىم، ئۇنىڭدىن باشقا بىزگە ماتېماتىكا، قانۇن دىگەندەك دەرسلىكلەرنىمۇ ئۆتىدۇ» دىگەن.

شىنجاڭ قۇتقۇزۇشقا ياردەم بېرىشنى باشقۇرۇش پونكىتىنىڭ باشلىقى ۋاڭ جېڭپېڭ مۇخبىرغا:« 2012- يىلى قورامىغا يەتمىگەن سەرگەردان بالىلارنىڭ تۇرمۇش ئۆلچىمى ئۈچۈن ھەر كۈنى ئىشلىتىدىغان 8 يۈەندىن 15 يۈەنگە كۆتۈرۈلدى . بالىلارنىڭ ساغلام ئۆسۈپ يېتىلىشىگە كاپالەتلىك قىلىش ئۈچۈن، قۇتقۇزۇش پونكىتى بالىلارنىڭ ئوزۇقلىنىش شارائىتىنى كۆپ ياخشىلاش بىلەن بىرگە يەنە قەرەللىك ھالدا ئوقۇغۇچىلارنى تەشكىللەپ ئاپتوموبىل رېمونت قىلىشنى ئۆگىتىش، قول ھۈنەر سەنئەت ئەسەرلىرىنى ياساش قاتارلىق جەھەتتە تەربىيلەش ئېلىپ باردى. خىزمەتچى خادىملار ۋە بالىلارنىڭ قەلىب يېقىنلىقى، ئىنچىكىلىك بىلەن پىكىر ئالماشتۇرۇشى بىلەن بالىلار «ئائىلە ئىللىقلىقى» نى يەنە بىر قېتىم ھېس قىلدى» دىگەن.