كېرىيە كىچىك تەلپىكىنىڭ ۋارىسى

تۈرى : مەدەنىيەت يوللىغۇچى : ئابلەت نۇرمۇھاممەد ۋاقتى : 2016-04-20 00:38:57

كېرىيە كىچىك تەلپىكىنىڭ ۋارىسى

دۇنيادىكى ئەڭ كىچىك تەلپەك—كېرىيە ئاياللىرىنىڭ تەلپىكى بولۇپ ، دۇنيا جىنىس رىكورتى قامۇسىغا كىرگۈزۈلگىنىگە نەچچە يىل بولغان ئىدى . ھەر دەرىجىلىك مەدەنىيەت تارماقلىرىنىڭ تىرىشچانلىقى بىلەن يېقىندا كېرىيە ئاياللىرىنىڭ تەلپىكى دولەت دەرىجىلىك غەيرىي ماددىي مەدەنىيەت مىراسلىرى تىزىملىكىگە كىرگۈزۈلدى . كېرىيە ناھىيسىنىڭ جاي يېزا جاي كەنتىدىكى دېھقان بۈۋى رابىيخان تۇرسۇن 30 نەچچە يىللىق ھاياتىنى مۇشۇ كىچىك تەلپەكنى تىكىش بىلەن ئۆتكۈزۈپ ، بۇ ئەنئەنىۋى مەدەنىيەتنى مۇكەممەل ساقلاپ قالغانلارنىڭ بىرى. شۇڭلاشقا ئاپتونوم رايونلۇق مەدەنىيەت نازارىتى يېقىندا ئۇنىڭغا ‹‹ دۆلەت دەرىجىلىك غەيرىي ماددىي مەدەنىيەت مىراسى—كېرىيە كىچىك تەلپىكىنىڭ تىپىك ۋارىسى ›› دېگەن شەرەپنى بەردى. ئۇ ، بۇ شەرەپكە ئېرىشكەندىن كېيىن ئەتراپىدىكى 15كە يېقىن ئايالغا تەلپەك تىكىش ھۈنىرىنى ئۆگىتىپ ، ئەجداتلاردىن قالغان بۇ بىباھا مەدەنىيەتنىڭ داۋاملىق نۇرلىنىشى ئۈچۈن كۈچ چىقاردى .

ئەلدىيار تورى ئۈندىدار سالونى : eldiyar99