قاراقاش خەلقى مەملىكەتلىك 13-نۆۋەتلىك قىشلىق تەنھەركەت مۇسابىقىسىنىڭ ئۆتكۈزۈلىشىگە تەنتەنە قىلماقتا

تۈرى : شىنجاڭ يوللىغۇچى : ئابلەت نۇرمۇھاممەد ۋاقتى : 2016-01-07 23:52:53

مەملىكەتلىك 13-نۆۋەتلىك قىشلىق تەنھەركەت مۇسابىقىسىنىڭ يېقىنلاپ كىلىشىگە ئەگىشىپ قاراقاش ناھىيەسىدىكى ھەر مىللەت خەلقى قىش پەسىللىك ئاممىۋى تەنتەربىيە پائالىيەتلىرىنى ئۆتكۈزۈش ئارقىلىق بۇ كاتتا تەنھەركەت مۇسابىقىسىنىڭ ئاپتونوم رايونىمىزدا ئۆتكۈزۈلىشىگە تەنتەنە قىلماقتا
مۇخبىر 1-ئاينىڭ 6-،7--كۈنلىرى قاراقاش بازىرىنىڭ كوناشەھەر ئاھالە كومىتىتىدا ناھىيە بويىچە مىللىيچە چېلىشىش مۇسابىقىسىنىڭ قىزغىن ئۆتكۈزۈلىۋاتقانلىقىنى ،ئاپتونوم رايونلۇق چېلىشىش كوماندىسىدىكى قازاق چېلىشچىلار ھەم ئاقسۇ ۋىلايىتىدىن كەلگەن چېلىشىلارنىڭ خوتەن ۋىلايىتىنىڭ خوتەن، قاراقاش، لوپ ناھىيەلىرىدىن كەلگەن چېلىشچى ئەزىمەتلەر بىلەن مۇسابىقىلىشىۋاتقانلىقىنى ،نەچچە يۈز چېلىشىش ھەۋاسكارلىرىنىڭ ئۇلارغا مەدەت بىرىۋاتقانلىقىنى كۆردى.
مىللىيچە چېلىشىش مۇسابىقىلىرى دېھقانلارنىڭ قىش پەسلىدىكى مەنىۋى تۇرمۇشىنى بېيىتىشتا تۈرتكىلىك رول ئوينايدىكەن.خەلق ئاممىسى ئەمەلىي ھەركىتى ئارقىلىق مەملىكەتلىك 13-نۆۋەتلىك قىشلىق تەنھەركەت مۇسابىقىسىنىڭ ئاپتونوم رايونىمىزدا ئۆتكۈزۈلىشىگە تەنتەنە قىلماقتا
سۈرەتتە: 7-يانۋار قاراقاش بازىرىدا ئۆتكۈزۈلگەن مىللىيچە چېلىشىش مۇسابىقىسىدە قازاق چېلىشچىلار خوتەنلىك ئۇيغۇر چېلىشچىلار بىلەن مۇسابىقىلەشمەكتە