خوتەن كارخانىچىلرىنىڭ ياردىمى ئوقۇغۇچىلارنىڭ كۆڭلنى ئىللىتتى

تۈرى : شىنجاڭ يوللىغۇچى : ۋاقتى : 2016-01-05 17:22:01

خوتەن ۋىلايىتىدىكى   50 نەچچە مىللى كارخانىچىلاردىن تەشكىللەنگەن مائارىپقا ياردەم بىرىش ئۇيۇشمسىنىڭ ۋەكىللىرى 1-ئاينىڭ 4-كۈنى قاراقاش ناھىيەسىگە كىلىپ ماڭلاي ۋە ياۋا يېزىلىق ئوتتۇرا مەكتەپلىرىدە ئائىلىسىدە قىيىنچىلقى بار ۋە ئۆگىنىشتە ئەلاچى ئۇقۇغۇچىلارغا ئۇقۇش قۇراللىرى، قىشلىق كىيىم-كېچەك قاتارلىق بۇيۇملارنى يەتكۈزۈپ بىرىپ ئالقشقا ئىرىشتى.
            بۇقېتىم خوتەن ۋىلايىتىدىكى 50 نەچچە مىللى كارخانىچىلار ۋەكىللىرى خوتەننىڭ مائارىپ ئىشلىرىنى قوللاش ۋە مائارىپقا تۆھپە قۇشۇشتەك ئىرادىسى بىلەن   ئائىلىسىدە قىيىنچىلىقى بار ۋە ئۆگىنىشتە ياخشى بولغان ئوقۇغۇچىلارغا ئىللىقلىق يەتكۈزۈش پىلانىنى تۈزۈپ 200مىڭ يۈەندىن ئارتۇق مەبلەغ چىقىىرپ 2000 دانە قىشلىق چاپان ۋە «مۇئەللىم» ئىلكتىرۇن لوغىتى تەييارلاپ خوتەن شەھىرى،خوتەن،قاراقاش ھەم چىرا ناھىيەلىرىدىكى بىرقىسىم ئوتتۇرا-باشلانغۇچ مەكتەپتىكى ئوقۇغۇچىلارغا ياردەم بىرىش پائالىيىتنى يولغا قويدى. بۇ پائالىيەت 1-ئاينىڭ 7-كۈنىگىچە داۋاملىشىدىغان بولۇپ   مىللى كارخانىچىلار ۋەكىللىرى بۇ پائالىيەتنى ئالدى بىلەن قاراقاش ناھىيەسىدە باشلىدى. تەييارلانغان بۇيۇملار شۇ كۈنى ماڭلاي ۋە ياۋا يېزا ئوتتۇرا مەكتىپىدىن 500 دىن ئارتۇق ئائىلىسىدە قىيىنچىلقى بار ،تىرىشچان ئۇقۇغۇچىلارنىڭ قولىغا يەتكۈزۈلدى. كارخانىچىلار ۋەكىللىرى ناھىيە،يېزا رەھبەرلىرى بىلەن بىرلىكتە قىشلىق چاپاننى بالىلارغا كىيگۈزۈپ قويدى. ئىللقلىققا ئىرىشكەن ئوقۇغۇچىلار خۇشال بۇلۇشۇپ كارخانىچىلارغا رەھمىتىنى ۋە تىرىشپ ياخشى ئوقۇش ئىرادىسىنى بىلدۈردى.
شۇكۈنى يەنە ياۋا يېزىسىدىن يىتىشىپ چىققان ياش كارخانىچى ئابلەت    ماخمۇت مۇشۇ پۇرسەتتىن پايدىلنىپ يېزا تەۋەسىدىن   ئالى مەكتەپتە ئۇقۇۋاتقان ئوقۇغۇچىلارغا ياردەم بىرىش يۈزىسىدىن   ئۆز يېنىدىن 50مىڭ يۈەن چىقىرىپ يېزا باشلىقى يالقۇن مەتنۇرىغا تاپشۇرۇپ بىرىپ ئۆزىنىڭ مائارىپنى قوللاشتەك ئىسىل پەزىلىتنى نامايەن قىلدى.
خوتەن يەر شارى سودا چەكلىك شىركىتىنىڭ باش دېرىكتورى مۇھەممەتجان ئابدۇقادىر مۇنداق دېدى:« بۇ پائالىيەتنى تەشكىللەشتىكى مەقسىتىمىز ئائىلىسىدە قىيىنچلىقى بار،ئەلاچى ئوقۇغۇچىلارغا ياردەم قىلىش ئارقىلىق ئۇلارنىڭ ئوقۇشىغا ئىلھام بېرىش ئۈچۈندۇر.بىز بۇنىڭدىن كىيىن ئائىلىسىدە قىيىنچىلىقى بار ئوقۇغۇچىلىرىغا ياردەم بىرىش بىلەن بىرگە ئەلاچى ئوقۇچىلارنىمۇ مۇكاپاتلاپ بارلىق ئوقۇغۇچىلارنىڭ تىرىشىپ ئوقۇشىغا تۈرتكە بولىمىز».
سۈرەتتە: 1-ئاينىڭ 4-كۈنى قاراقاش ناھىيەسىنىڭ ماڭلاي يېزىلىق ئوتتۇرا مەكتىپىدە ئۆتكۈزۈلگەن ئوقۇغۇچىلارغا ئىللىقلىق يەتكۈزۈش پائالىيىتىدىن كۆرۈنۈشلەر