لى شاۋلوڭ قىلغان بۇ توققۇز ئىشنى ھازىرغىچە ھېچكىم قىلالمىدى

  لى شاۋلوڭ، ئەسلى ئىسمى لى جېنفەن، 1940-يىلى ئامېرىكىنىڭ كالىفورنىيە شىتاتى سان فرانسىسكودا تۇغۇلغان، ئەسلىي يۇرتى جۇڭگونىڭ گۇاڭدۇڭ ئۆلكىسى شۈندېجۈن بازىرى. ئۇ دۇنيا چامباشچىلىقىنىڭ ئۆزگىرىشىگە ئاساس سالغۇچى، چامباشچىلىق پىشۋاسى، چامباشچىلىق پەيلاسوپى، UFC قۇرغۇچىسى، MMA ئاتىسى، گۇمپا ئۇستازى، چامباشچىلىق فىلىملىرىنىڭ قۇرغۇچىسى ۋە جيېچۈەن داۋنىڭ بەرپا قىلغۇچىسى، جۇڭگولۇق چامباشچى كىنو ئارتىسى، جۇڭگو گۇمپىسىنى تۇنجى بولۇپ دۇنياغا تونۇتقۇچى، ھوللېۋۇدتىكى تۇنجى جۇڭگولۇق ئارتىس. ئۇ شياڭگاڭدىكى تۆت قىسىم كىنودا ئۈچ قېتىم كۆپ تۈر بويىچە رېكورت بۇزغان، بۇنىڭ ئىچىدىكى «يىرتقۇچ ئەجدىھانىڭ دەريادىن ئۆتۈشى» ئاسيا كىنوچىلىقىدا بېلەت كىرىمى جەھەتتە رېكورت ياراتقان، ھەمدە ھوللېۋۇد بىلەن بىرلىشىپ ئىشلىگەن «قاتتىق ئېلىشىش» يەر شارى بويىچە ئومۇمىي بېلەت كىرىمى 2 يۈزمىليۇن 300 مىڭغا يەتكەن.

   1. 45 كىلوگراملىق قۇم خالتىسىنى يانچە تېپىپ يىرتىۋېتىش

    2. ئىككى تاياقچە بىلەن 1600 قاداق كۈچنى ئۇرۇش

    3. لى شاۋلوڭ بىر سېكونت ئىچىدە توققۇز مۇشت ئاتالايدۇ؛ ئۇنىڭ بىر مۇشت بىلەن 150 جىڭلىق بىر ئەرنى بەش، ئالتە مېتىر يىراقلىققا ئۇچۇرىۋېتىپ ئەڭ يۇقىرى رېكورت ياراتقان

    4. بارمىقىنى يەڭگىل سانجىش بىلەنلا بىر كوكاكولا قۇتىسىنىڭ ئاغزىنى ئېچىۋېتىش

    5. بىر مۇشتىنىڭ زەربە بېرىش كۈچى 350 قاداق، مۇشت شاھى ئالى ئەينى ۋاقىتتا بۇ رېكورتنى بۇزغان بولسىمۇ، لېكىن شۇ ۋاقىتتا لى شاۋلوڭنىڭ بەدەن ئېغىرلىقى 130 قاداق، ئالىنىڭ بەدەن ئېغىرلىقى 260 قاداق بولغاچقا، ئىككىنىڭ ئېغىرلىقى بىر دەرىجىدە ئەمەس ئىدى

    6. لى شاۋلوڭ بىر سېكونت ئىچىدە ئالتە قېتىم تېپىك تېپەلەيدۇ؛ «يان تېپىك» بىلەن قوغداش كىيىمى كىيىۋالغان 200 قاداق ئېغىرلىقتىكى بىر ئەرنى 20 مېتىر يىراقلىققا تېپىۋېتىپ، سۇ ئۈزۈش كۆلچىكىگە چۈشۈرىۋەتكەن

    7. ماتېرىياللاردا كۆرسىتىلىشىچە، لى شاۋلوڭ تەخمىنەن 1500 قېتىم ئەتراپىدا توختىماي يەر بېغىرلىيالايدىكەن، بىر قولى بىلەن بۇ ھەرىكەتنى ئۇدا 400 قېتىم، ئىككى بارمىقى بىلەن تەخمىنەن 200 قېتىم (ئادەتتىكى ئادەملەر بەزىدە ئىككى بارمىقى بىلەنمۇ تۇرالمايدۇ)، باش بارمىقى بىلەن 100 قېتىم ئىشلىيەلەيدىكەن.

    8. ئېغىرلىقى 135 كىلوگرام كېلىدىغان كاناپ تاغارنى تەخمىنەن بىر ئۆينىڭ ئېگىزلىكىدە، يەنى 5 مېتىر ئېگىزلىككە تېپىپ چىقىرىش

    9. 34 كىلوگرام كېلىدىغان شىتانگىنى كۆتۈرۈپ ئالدىغا تۈز سوزۇپ ، 20 سېكونتتىن كېيىن قايتۇرىۋېلىش؛ 56 كىلوگراملىق شىتانگىنى تۈز ھالەتتە ئېگىز كۆتۈرۈش ۋە مۇشۇ ھالەتتە بىردەم تۇرۇش؛ بىر قولىدا 32 كىلوگرام كېلىدىغان گانتېلنى گورزىنتال ھالەتتە كۆتۈرۈش، ھەمدە يان ھالەتتە مۈرىسىدە كۆتۈرۈش ھەم مۇشۇ ھالەتتە تۇرۇپ ساناق ساناش