يوللانغان ۋاقتى : 2008-10-26 12:13:30    كۆرۈلۈش سانى : 68  

ئېلىمىزدىكى دېھقان ئائىلىلىرىدە ئەزەلدىنلا ئۆينىڭ ئالدى - ئارقىسىغا مېۋىلىك كۆچەت تىكىش، كۆكتات تېرىش، ئۆي ھايۋانلىرى، ئۆي قۇشلىرىنى بېقىش ئادىتى بار. مانا بۇ بىز دەۋاتقان «ھويلا-ئارام يېزا ئىگىلىكى». ھويلا - ئارام يېزا ئىگىلىكىدە ئائىلىلەر بىرلىك قىلىنىدۇ، كۆلەم چوڭ بولمايدۇ، بىراق، مەملىكەت بويىچە بار بولغان200  مىليون ئۆپچۆرىسىدىكى دېھقان ئائىلىسىنىڭكىنى قوشقاندا خېلى زور كۆلەمنى ئىگىلەيدۇ. شۇنىڭ بىلەن بىللە، ئۆيگە يېقىن، پەرۋىش قىلىشقا قۇلايلىق بولغاچقا، ئەر - ئايال، قېرى - ياش ھەممىسى ئۇنىڭغا قاتنىشالايدۇ، ئىشلەپچىقىرىش مەزمۇنىمۇ مول، رەڭدار بولۇپ، ستېرېئولۇق پايدىلىنىشنى ئىشقا ئاشۇرغىلى بولىدۇ، بىرلىك كۆلەمدىكى مەھسۇلاتى يۇقىرى بولۇپ، دېھقان ئائىلىلىرى ئىقتىسادىنىڭ مۇھىم تولۇقلىمىسى ھېسابلىنىدۇ. ھويلا - ئارام يېزا ئىگىلىكى ئىشلەپچىقىرىشىنىڭ تۈرلىرى ھەر خىل بولۇپ، ھەربىرىنىڭ ئۆزىگە خاس ئارتۇقچىلىقى بار. بۇلارنىڭ ئىچىدە مېۋىلىك دەرەخ، مەنزىرە دەرىخى ۋە بامبۇك تۈرىدىكىلەرنىڭ كىرىمى يۇقىرى بولۇپلا قالماستىن، يەنە مۇھىتنى گۈزەللەشتۈرۈش، تۇرالغۇ شارائىتىنى ياخشىلاش رولى بار. ئۇنىڭدا پەسىل خاراكتېرلىك تېرىقچىلىق، مەسىلەن، كۆكتات، قوغۇن - تاۋۇز، يېمەكلىك زەمبۇرۇغى، گۈل - گىياھ، كۆچەت تۈرىدىكىلەر بار. ئۇنىڭدىن باشقا باقمىچىلىق مەسىلەن، توخۇ، توشقان، ھەسەل ھەرىسى، غاز، چوشقا ھەمدە چايان قاتارلىق دورىلىق ھايۋانلار بار. قوروسىدا كۆلچەك بارلىرى سۇ جانىۋارلىرىنى باقسا بولىدۇ. يەر ئاستىدا يەنە سازاڭ قاتارلىقلارنى بېقىپ، ئۆي قۇشلىرى، ئۆي ھايۋانلىرىنىڭ يېمى قىلىشقا بولىدۇ. ھويلا - ئارام يېزا ئىگىلىكىنىڭ مەزمۇنلىرىنى ماسلاشتۇرۇشنىڭ خىلمۇخىل ئۇسۇللىرى بار بولۇپ، ئادەتتە ئائىلىلەردە بوشلۇق جەھەتتە كۆپ قاتلاملىق بولۇش، ئۇنىڭدىن ستېرېئولۇق پايدىلىنىشقا ئەھمىيەت بېرىلىدۇ؛ ۋاقىت جەھەتتە ئەپچىللىك بىلەن ئورۇنلاشتۇرۇپ، يىل بويى ئايلاندۇرۇش، ئارىلىقنى بوش قويماسلىققا ئەھمىيەت بېرىلىدۇ؛ ئوغۇتلاش، ئۆستۈرۈش پەرۋىشى جەھەتتە سېلىنمىنى كۆپەيتىشكە ھەمدە ئىقتىسادىي ئۈنۈمى بىرقەدەر يۇقىرى تۈرلەرنى تاللاشقا ئەھمىيەت بېرىلىدۇ. شۇڭا، بىرلىك كۆلەم كىرىمىنى چوڭ ئېتىزنىڭكى بىلەن سېلىشتۇرغاندا تەبىئىي يۇقىرى بولىدۇ.