ئامېرىكىدا باشقا ئاپتوموبىللارنىڭ مەكتەپ ئاپتوموبىللىرىنىڭ ئالدىغا ئۆتۈپ كېتىشى مەنئى قىلىنىدۇ. سېرىق بويالغان ۋاگونسىمان ئاپتوموبىللارنىڭ ئىشىكى ئېچىلىشى بىلەن تەڭ ئاپتوموبىلدىن ئاپتوماتىك ھالدا «stop» (توختاڭ) دېگەن خەت يېزىلغان قىزىل رەڭلىك تاختا بىلەن ئوڭ ئالدى تەرەپتىن بىر مېتىر ئۇزۇنلۇقتىكى رېشاتكا بىرلا ۋاقىتتا چىقىرىلىدۇ. بۇ ئامېرىكىنىڭ ئەڭ ئالاھىدە ھوقۇقلۇق مەكتەپ ئاپتوموبىلىدۇر. بۇنداق ئاپتوموبىلنىڭ سىرتقى شەكلىدە ئازراق «ئۆزگىرىش» بولسىلا، ئارقىسىدىكى ئاپتوموبىللار دەرھال توختايدۇ. ئەگەر مەكتەپ ئاپتوموبىلىنىڭ ئالدىغا ئۆتۈپ كەتسە جەرىمانە قويۇلىدۇ، ئېغىر بولغانلىرىنىڭ شوپۇرلۇق پىراۋىسى ئەمەلدىن قالدۇرىلىدۇ.

ئامېرىكىدا مەكتەپ ئاپتوموبىللىرىغا ئائىت قانۇن – نىزاملار 500 دىن ئاشىدۇ. قانۇن – نىزاملاردا مەكتەپ ئاپتوموبىللىرىدا ئاسانلا سىلكىنىش كۆپ كۆرۈلىدۇ. شۇڭا ھەر بىر ئورۇندۇقتا قايچىلاشتۇرۇلغان بىخەتەرلىك تاسمىسى سەپلىنىشى؛ مەكتەپ ئاپتوموبىللىرى شوپۇرلىرى بالىلار ئاپتوموبىلغا چىقىپ چۈشكەندە بالىلارنى يوقلىما قىلىشى كېرەك، دەپ بەلگىلەنگەن.

ياپونىيەدە بالىلار باغچىسى ۋە باشلانغۇچ مەكتەپلىرىنىڭ ئاپتوموبىللىرىدا شوپۇردىن باشقا يەنە ئىككى ئوقۇتقۇچى بولۇشى، ھەر قېتىم ئاپتوموبىلغا چىققاندا ئوقۇتقۇچى ئالدى بىلەن بالىلارنى بىر – بىرلەپ ساناپ، تولۇق چىقىرىپ بولغاندىن كېيىن، ئاخىرىدا ئۆزى چىقىشى، ئاپتوموبىلدىن چۈشكەندە ئوقۇتقۇچى ئالدىدا چۈشۈپ، ئوقۇغۇچىلارنى يەنە بىر قېتىم ساناپ، ئاتا – ئانىلارغا ئۆز قولى بىلەن تاپشۇرۇشى؛ شوپۇرلار مول تەجرىبىگە ئىگە بولۇشى كېرەك دەپ كۆرسىتىلگەن.

تايلاندتىكى مەكتەپلەردە ئادەتتە ئون نەچچە بالىلار ئولتۇرىدىغان ھاۋا تەڭشىگۈچ سەپلەنگەن مىنىبۇسلار ئىشلىتىلىدۇ. تايلاند ھۆكۈمىتى ئاتا – ئانىلارنىڭ ئايال شوپۇرلار ئەر شوپۇرلاردىن ئەستايىدىل دېگەن قارىشىغا ھۆرمەت قىلىپ، ئايال شوپۇرلارنى مەكتەپ ئاپتوموبىلى شوپۇرى قىلىشنى قارار قىلغان. ئۇنىڭدىن باشقا تايلاندنىڭ مەكتەپ ئاپتوموبىللىرىدا بىخەتەرلىك چىرىغى بولۇپ، قاتناش قىستاڭچىلىقى بولغان رايونلاردا سېرىق چىراغنى ياندۇرۇپ يول يۈرىدۇ.

(تەھرىر : admin)

• بىر ئوقۇتقۇچىنىڭ كۈندىلىك خاتىرىسى
• چەت ئەللەردە مەكتەپ ئاپتوموبىللىرى قان
• جوۋ گوپىڭ: ئانا تىل مائارىپنىڭ باشلىنىش
• ئاساسىي مائارىپ قىسمەن ئىسلاھ قىلىنىدۇ
• تىلنىڭ ئۇپرىشى ۋە پۇرسىتى
• بالىلارنى دەرستىن بىزار قىلىۋاتقان زاد
• تىل تەربىيەسى بالىلارنىڭ ئەقلىنى ئېچىش
• جۇڭگونىڭ مائارىپ مەسىلىسى ۋە مائارىپنى
• «غايىپ بولغان ئانا تىل ئىشەنچىسى» نى تې
• نۇقتىلىق مەكتەپ ۋە نۇقتىلىق سىنىپ تەسىس
• باشلانغۇچ تۆۋەن يىللىقىدا ئېنگلىزچە ئە
• ‹‹ئانا تىل›› ئوقۇتۇشى يەنىلا مۇھىم
• ھەقىقىي سىنىپ مەسئۇلىنىڭ ھەقىقىي ھېكاي
• ئوقۇتقۇچى ھىممىتى ۋەئۇنىڭ قىممىتى
• ئامېرىكانىڭ مائارىپ سىستېمىسى
• جۇڭگو قانداق مائارىپ تۈزۈلمىسىگە موھتا