پارتىيە 18- نۆۋەتلىك مەركىزىي كومىتېتى 3- ئومۇمىي يىغىنىدا، «مائارىپ ئادىللىقىنى كۈچەپ ئىلگىرى سۈرۈپ، نۇقتىلىق مەكتەپ ۋە نۇقتىلىق سىنىپ تەسىس قىلماسلىق قاتارلىق مەزمۇنلار» ئوتتۇرىغا قويۇلدى

پارتىيە 18- نۆۋەتلىك مەركىزىي كومىتېتى 3- ئومۇمىي يىغىنىدا، «مائارىپ ئادىللىقىنى كۈچەپ ئىلگىرى سۈرۈپ، شەھەر- يېزا مەجبۇرىيەت مائارىپى بايلىقىنى تەكشى ۋە بىر تۇتاش تەقسىملەپ، ھۆكۈمەت مەكتىپىنى ئۆلچەملەشتۈرۈش قۇرۇلۇشى ۋە مەكتەپ مۇدىرى بىلەن ئوقۇتقۇچىلارنىڭ ئىش ئورنىنى ئالماشتۇرۇشنى يولغا قويۇپ، نۇقتىلىق مەكتەپ ۋە نۇقتىلىق سىنىپ تەسىس قىلماسلىق» ئوتتۇرىغا قويۇلدى.
ئىستانسىمىزنىڭ تەكلىپلىك ئوبزورچىسى ساۋ باۋيىن بۇنىڭغا چۈشەندۈرۈش بېرىپ مۇنداق دېدى: «ئىلگىرى، مائارىپ بايلىقىنىڭ تەكشى بولماسلىقى سەۋەپلىك، ئىختىساس ئىگىلىرىنى تەربىيىلەشتە تەكشىسىزلىك بولغانىدى. پارتىيە -18 نۆۋەتلىك مەركىزىي كومىتېتى -3 ئومۇمىي يىغىنىدا ئوتتۇرىغا چىقىرىلغان مائارىپ ئادىللىقى توغرىسىدىكى بەلگىلىمىلەر-- ۋەزىيەتنىڭ يۈزلىنىشى ھىسابلىنىدۇ. بۇ قېتىمقى يىغىندا، ھۆكۈمەت مەكتەپلىرىنى باشقۇرۇش ئۆلچىمىنى قېلىپلاشتۇرۇش ئوتتۇرىغا قويۇلدى. مەيلى قاتتىق دىتال جەھەتتىن بولسۇن ياكى مۇنەۋۋەر مەكتەپ مۇدىرلىرى، مۇنەۋۋەر ئوقۇتقۇچىلار بولسۇن، ئوخشاش بولمىغان مەكتەپلەرگە بېرىپ ئىشلەش ئارقىلىق، مائارىپ بايلىقىنىڭ تەكشى بولۇشىنى ئەمەلگە ئاشۇرغىلى بولىدۇ. بۇنىڭ نەتىجىسىدە، بالىلىرىمىز ھەقىقىي ياخشى بولغان مائارىپتىن بەھرىمەن بولالايدۇ. بۇنداق بولغاندا، مەيلى يېزىدىكى بالىلار بولسۇن ياكى شەھەردىكى بالىلار بولسۇن، ئوقۇشقا تايىنىپ ئالغا ئىلگىرىلەش يولىغا؛ ئائىلىلەر زور ئۈمىدكە ئىگە بولالايدۇ. پۈتۈن جەمئىيەت مۇشۇ سەۋەپلىك تېخىمۇ جانلىنىدۇ.»
ساۋ باۋيىن مۇنداق دەپ قارىدى: «باشقا جايدا ئالىي مەكتەپ ئىمتىھانىغا قاتنىشىش-- مائارىپ ئادىللىقىنى ئىلگىرى سۈرۈش، تۈزۈم جەھەتتىكى بوغما ھالەتنى بۇزۇپ تاشلاشتىكى مۇھىم ھالقا ھىسابلىنىدۇ. باشقا جايدا ئالىي مەكتەپ ئىمتىھانىغا قاتنىشىش ئەمەلىيەتتە ئۆزى تۇرىۋاتقان جايدا ئالىي مەكتەپ ئىمتىھانىغا قاتنىشىشنى كۆرسىتىدۇ. بالىلار ئاتا- ئانىسىغا ئەگىشىپ، ئۇلار تۇرىۋاتقان شەھەردە ئوقۇيدۇ. مۇشۇ شەھەردە تۇرۇپ، مۇشۇ شەھەردە ئوقۇپ، مۇشۇ شەھەردە ئىشقا ئورۇنلاشقانىكەن، مۇشۇ شەھەردىكى ئاھالىلار بەھرىمەن بولۇشقا تېگىشلىك تۈرلۈك ھوقوقلاردىن بەھرىمەن بولۇشى كېرەك. مائارىپ ئادىللىقى يولىدا، ئۆزى تۇرىۋاتقان جايدا ئالىي مەكتەپ ئىمتىھانىغا قاتنىشىش تۈزۈمى يولغا قويۇلغاندىلا، ئەمەلىي مەنىدىكى مائارىپ ئادىللىقىنى ئەمەلگە ئاشۇرغان بولىدۇ.»