بالىلارنىڭ خورەك تارتىشىغا سەل قارىماڭ
 مۇتەخەسسىسلەرنىڭ كۆرسىتىشىچە، بالىلاردىكى خورەك تارتىش ئېممونېتىت كۈچىنىڭ تۆۋەنلەپ كېتىشىدىن كېلىپ چىقىدىكەن. بەزى بالىلاردا ھەرىكەت ئاز بولۇشتىن ئېممونېتىت كۈچى تۆۋەنلەپ، ئاسانلا كېسەل بولۇپ قالىدىكەن. ئۇنىڭدىن باشقا، تەكرار ياللۇغلىنىش، سەمىرىپ كېتىش سەۋەبىدىن خورەك تارتىش قاتارلىق ئالامەتلەر كۆرۈلىدىكەن. مۇتەخەسسىسلەرنىڭ تونۇشتۇرىشىچە، خورەك تارتقاندا، قۇرغاق ھاۋا بىۋاستە كېكىردەكنى غىدىقلاپ كېكىردەك ياللۇغى، كاناي ياللۇغى قاتارلىقلارنى پەيدا قىلىپلا قالماستىن، بالىلارنىڭ يۈزىنىڭ يېتىلىشىگە تەسىر كۆرسىتىپ، غەيرىي يېتىلىپ قېلىشىنى كەلتۈرۈپ چىقىرىدىكەن ھەم بالىلارنىڭ پىسخولوگىيەلىك ۋە فىزىئولوگىيىلىك يېتىلىشىگە تەسىر كۆرسىتىدىكەن، شۇڭا بالىلاردا بۇنداق ئالامەتلەر كۆرۈلگەن ھامان دوختۇرخانىغا ئاپېرىپ تەكشۈرتىشى كېرەككەن.
|
