 |
ئالىي خەلق سوت مەھكىمىسى تور ئەسەر ھوقۇقىنى قوغداش ئەدلىيە
ئىزاھاتى توغرىسىدا پىكىر ئېلىشقا باشلىدى ئالىي خەلق سوت مەھكىمىسى 22-ئاپرېل ئۇچۇر تورى تارقىتىش ھوقۇقىغا دەخلى-تەرۇز قىلىش ھەق تەلەپ ماجىرا دېلولىرىغا قاراپ چىقىشتا تەتبىقلىنىدىغان قانۇندىكى بىرقانچە مەسىلىلەر توغرىسىدىكى بەلگىلىمىسىنىڭ پىكىر ئېلىش نۇسخىسىنى ئېلان قىلىپ، جەمئىيەتنىڭ ھەر ساھەسىدىن كەڭ دائىرىدە پىكىر ئالدى. پىكىر ئېلىش نۇسخىسىدا تور ئەسەر ھوقۇقىغا دەخلى تەرۇز قىلىشنىڭ دائىرىسى، تور مۇلازىمىتى قىلغۇچىلارنىڭ سەۋەنلىك ئۆتكۈزگەن ياكى ئۆتكۈزمىگەنلىكى، بىۋاسىتە ئىقتىسادىي مەنپەئەتكە ئېرىشكەنلىكىنى بېكىتىش قاتارلىقلارغا ئېنىق بەلگىلىمە چىقىرىلدى. ئامما 1-ئىيۇندىن ئىلگىرى ئالىي خەلق سوت مەھكىمىسى تورى قاتارلىق شەكىللەر ئارقىلىق پىكرىنى ئېلان قىلسا بولىدۇ. پىكىر ئېلىش نۇسخىسىدا مۇنۇلار بەلگىلەندى: تور ئابونىتى، تور مۇلازىمەتچىسى ئىجازەت ئالماي ئۇچۇر تورى ئارقىلىق باشقىلارنى ئەسەر، ئويۇن، ئۈن–سىن ئەسەرلىرى ھوقۇقىدىن بەھرىمەن قىلسا، خەلق سوت مەھكىمىسى ئۇنىڭغا ئۇچۇر تورى تارقىتىش ھوقۇقىغا دەخلى تەرۇز قىلىش ھەق تەلەپ مەسئۇلىيىتىنى ئۈستىگە ئېلىش ھۆكۈمى چىقىرىشى كېرەك.
|
