مايمۇن كۆندۈرگۈچى
مۇزىكانتلار ئائىلىسى
ياغاچ ئاياغدا مېڭىش سەنئەتكارى
رەسساملار ئائىلىسى
ئاددىي مۇزىكانت
50 ياشقا كىرىپ قالغان 1.5 مېتىر ئېگىزلىكتىكى تەشتەكنى بېشىغا قويۇپ تەڭپۇڭلۇقنى ساقلىيالايدىغان ئايال سەنئەتكار باسانتى بات 
دۇمباقچى بالا
يەرلىك كونا سەنئەتكار
ئەنگلىيە «كۈندىلىك پوچتا گېزىتى»نىڭ 6-ئاينىڭ 24-كۈنىدىكى دوكلاتى، ، ئەنگلىيىلىك فوتوگراف مارك لېئاۋىر ھىندىستانغا ساياھەتكە بارغاندا، دېھلىدىكى نامراتلار مەھەللىسىدىكى سەنئەتكارلار كوچىسىنىڭ ئۆزگىچە كارتىنىسىنى سۈرەتكە تارتىۋالغان. بۇ يەردىكى 2800دىن كۆپرەك ئائىلىلەرنىڭ ھەممىسى كوچا سەنئەتكارى بولۇپ، ئۇلارنىڭ ئىچىدە ياغاچ قورچاق ماھىرى، مۇزىكانت، سېركچى، خەلق ئارىسىدىكى ناخشىچى، سېھىرگەر قاتارلىقلار بار، قارىماققا بۇ بىر ئادەتتىكى مەھەللە ئەمەستەك كۆرۈنەتتى.بۇ سەنئەتكارلارنىڭ قايسى يەرلەردىن كەلگەنلىكىنى بىلگىلى بولمايتتى، لېكىن سەنئەتكارلار كوچىسى (Kathpulti Colony)نىڭ پەيدا بولغىنىغا 40 يىلچە بولۇپ قالغان. ۋاقىتنىڭ ئۆتۈشىگە ئەگىشىپ، بۇ يەردە بىر خىل ئالاھىدە مەدەنىيەت ھادىسىسى شەكىللەنگەن. ھازىر ھۆكۈمەت بۇ رايونى تەرتىپكە سالماقچى بولۇپ، سەنئەتكارلارنىڭ كۆچۈرۈپ كېتىپ، يېڭى ئولتۇراق رايون ئۈچۈن ئورۇن بوشىتىپ بېرىشى تەلەپ قىلىنغان. بۇ نۇرغۇنلىغان كىشىلەرنىڭ بۇ سەنئەت ئەندىزىسىنىڭ يوقىلىپ كېتىش تەھدىتىگە ئۇچرىشىدىن ئەندىشە قىلىشىنى كەلتۈرۈپ چىقارغان.
سەنئەتكارلار كوچىسىنىڭ سېھرىي كۈچىنى ساقلاپ قېلىش ئۈچۈن، ئەنگلىيىلىك فوتوگراف لېئاۋىر ھەربىر سەنئەتكارنىڭ تالانتى ۋە تۇرمۇشىنى خاتىرىلىۋالغان. مەسىلەن بۇ يەردىكى 50 ياشلىق ئايال باسانتى بات 1.5 مېتىر ئېگىزلىكتىكى تەشتەكنى بېشىغا قويۇپ تەڭپۇڭلۇقنى ساقلاپ تۇرالايدۇ، 45 ياشلىق چاتتا خان ئىككى مايمۇننى مەشىقلەندۈرگەن. بەزى ئائىلىلەردىكى بارلىق ئەزالارنىڭ ھەممىسى رەسسام ياكى مۇزىكانت، يەنە بەزى ئادەملەر ئويۇنچۇق پىل ياساش قاتارلىق ئىشلار بىلەن شۇغۇللىنىدۇ.
مەلۇماتلارغا قارىغاندا، دېھلىدىكى سەنئەتكارلار كوچىسى دۇنيادىكى ئەڭ چوڭ كوچا سەنئەتكارلىرى توپلاشقان جاي بولۇپ، سۈرەتكە ئېلىشقا قۇلايلىق بولۇش ئۈچۈن لېئاۋىر ئىنچىكىلىك بىلەن خەير-ساخاۋەت تەشكىلاتىدىن پىدائىي تاللاپ، ئەڭ ئاخىرىدا ھىندىستانغا كېلىپ، يېڭى دېھلىدىكى نامراتلار مەھەللىسىنى چۈشىنىپ بېقىش ئۈچۈن، دىققىتىنى ئاساسلىق نامراتلار مەھەللىسىدىكى كوچا سەنئەتكارلىرىنىڭ تۇرمۇشىغا مەركەزلەشتۈرگەن.
