شىنخۇا تورى بېريۇسىل 24-ئىيۇن تېلگىراممىسى
ياۋروپا ئىتتىپاقىغا ئەزا دۆلەتلەر باشلىقى 24-ئىيۇن لىيۇكسۇمبۇرگدا ئالبانىيەنىڭ ياۋروپا ئىتتىپاقىغا نامزات دۆلەت بولىشىنى قوبۇل قىلغانلىقىنى بايانات ئېلان قىلدى. باياناتتا ياۋروپا ئىتتىپاقىغا ئەزا دۆلەتلەر باشلىقى ئالبانىيەنىڭ ئۈزلۈكسىز مەمۇرىي ۋە ئەدىلىيە ئىسلاھاتى ئېلىپ بېرىشىنى ،تەشكىللىك جىنايەت ئۆتكۈزۈش، چىرىكلىككە زەربە بېرىش، كىشلىك ھوقۇق ۋە مىللىي كەمسىتىشكە قارشى تۇرۇش قاتارلىق تەرەپلەردە ئەتىراپلىق ھالدا ئۇزۇن مۇددەتلىك ئىلگىرلەشلەرنى قولغا كەلتۈرىشىنى نازارەت قىلىشنى ئىلگىرى سۈرىدىغانلىقىنى بىلدۈردى.
باياناتنامىدە يەنە ئالبانىيەنىڭ ئۆكتىچىلەر بىلەن بولغان سۆھبىتىنىڭ ئالبانىيەنىڭ ياۋروپا ئىتتىپاقىغا نامزات بولۇشىدىكى مۇھىم ئامىل ئىكەنلىكىنى بىلدۈردى.
ئالبانىيەنىڭ ياۋروپا ئىتتىپاقىغا نامزات دۆلەتلىك سالاھىيىتى مۇشۇ ھەپتە ئۆتكۈزىلىدىغان ياۋروپا ئىتتىپاقىغى يىغىنىدا رەسمى بېكىتىلىدۇ.
يەنە بىر خەۋەرلەردە ئالبانىيە زۇڭلىسى لىما شۇ كۈنى ياۋروپا ئىتتىپاقىنىڭ ئالبانىيە خەلقىگە ئۈمىد ئېلىپ كەلگەنلىكىنى بىلدۈردى.
ئوخشاشلا ئالبانىيەنىڭ ياۋروپا ئىتتىپاقىغا ئەزا بولۇش قەدىمىنىڭ توختاپ قالمايدىغانلىقى، بۇ قەدەمنىڭ ئالبانىيەنىڭ ياۋروپا ئىتتىپاقىغا ئەزا بولۇش جەريانىدىكى مۇھىم قەدەم ئىكەنلىكىنى بىىلدۈردى.
ئالبانىيە 2009-يىلى ياۋروپا ئىتتىپاقىغا نامزات دۆلەت بولۇش ئورنىنى ئىلتىماس قىلغان. 2013-يىلى 10-ئايدا ياۋروپا ئىتتىپاقى كومىتىتى ياۋروپا يىغىنىغا دوكىلات سۇنۇپ، ئالبانىيەگە ياۋروپا ئىتتىپاقىغا نامزات دۆلەت سالاھىيىتى بېرىش تەكلىپى ئۈستىدە ئويلىنىش قىلغان. 12-ئايدا قىسمەن ياۋروپا ئىتتىپاقى ئەزا دۆلەتلەرنىڭ قارشى تۇرىشى بىلەن ئالبانىيە ياۋروپا ئىتتىپاقىغا نامزات دۆلەتلىك ئورنىغا ئېرىشەلمىگەن.
