يولدا يانفون ئوينىسىڭىز دەرەخكە ئېسىپ قويۇلغان پۇلنى كۆرمەي قالىسىز
مەنبە : 互联网 يوللانغان ۋاقىت :2014-06-24 17:16:45
جۇڭگو ئاخبارات تورىنىڭ 24- ئىيۇندىكى تېلېگراممىسى، : شياڭگاڭ «ئەدەبىي مەلۇماتلار گېزىتى» نىڭ 24- ئىيۇندىكى خەۋىرىگە ئاساسلانغاندا، يول ماڭغاندا دائىم يانفون ئويناش خەتەرلىك ئىش بولۇپلا قالماستىن، «ئويلىمىغان بايلىق» قا ئېرىشىش پۇرسىتىدىن مەھرۇم قېلىشىڭىزمۇ مۇمكىن. ئامېرىكا غەربىي ۋاشىنگتون ئۇنىۋېرسىتېتى بىر تەجرىبە ئېلىپ بېرىپ، بىر دەرەخكە نۇرغۇن قەغەز پۇلنى ئېسىپ قويغان، نەتىجىدە بۇ يولدىن ئۆتكەچ يانفون ئىشلىتىۋاتقان كىشىلەرنىڭ %94 تى دەرەختىكى پۇلنى بايقىمىغان.
خەۋەردە ئېيتىلىشچە، بۇ تەجرىبىدە، تەتقىقاتچىلار 100 دانە بىر ئامېرىكا دوللىرىلىق قەغەز پۇلنى دەرەخكە مىقلاپ قويغان، ھەر بىر پۇلنىڭ ئۈستىگە يەنە «قاراڭ! ھەقسىز پۇل»، «سورىماي ھوزۇرلىنىۋېرىڭ» دېگەندەك خەتلەر يېزىپ قويۇلغان. تەتقىقاتچىلار ئەتراپقا كامىرا ئورنىتىپ پۈتۈن جەرياننى سىنغا ئېلىۋالغان، ھەمدە كۆرۈنۈشنى سىنلىق تور پونكىتىغا يوللىغان.
سىن كۆرۈنۈشىدە كۆرسىتىلىشچە، نۇرغۇن كىشى بۇ «تىللا تۆكۈلىدىغان دەرەخ» نىڭ يېنىدىن ئۆتكەندە يانفونغا قاراش بىلەن ئالدىراش بولۇپ كەتكەن، ھەتتا باشقىلارنىڭ دەرەخ يۇپۇرمىقىنى ئۈزۈۋاتقانلىقىغىمۇ دىققەت قىلمىغان. گەرچە بەزى يولۇچىلار نەزىرىنى يانفوندىن دەرەختىكى پۇللارغا ئاغدۇرغان بولسىمۇ، ئەمما ئاقىۋەتتە ئۆزىچىلا ئۆتۈپ كەتكەن، بۇنىڭدىن ئۇلارنىڭ دىققىتىنىڭ جايىدا ئەمەسلىكىنى بىلىۋالغىلى بولىدۇ.
ئەمما، يەنە بىر قىسىم ئالاھىدە زىرەك كىشىلەر دەرەختىكى پۇللارنى كۆرگەندىن كېيىن ئاۋۋال خاتىرە سۈرەتكە تارتىۋالغاندىن كېيىن، ئاندىن پۇللارنى ئالغان، ھەمدە ئەتراپتىكى يانفون ئىشلىتىۋاتقان كىشىلەرگە پۇل بارلىقىنى ئەسكەرتىپ قويغان.
باشلان تورى ئادرىسنى ئىسىڭىزدە ساقلىۋىلىڭ ! : www.Baxlan.com
