ماي باھاسى بۇ يىلقى تۆتىنچى قېتىملىق ئۆسۈشنى كۈتىۋالىدۇ
جوچۇاڭ مەسلىھەتچىلىكى جۇڭگو يېڭى تور ئېنېرگىيە قانىلىنىغا تەمېنلىگەن سانلىق مەلۇماتلاردا كۆرسىتىلىشىچە، 6-ئاينىڭ 19-كۈنىدىكى بازار باھاسىدىن قارىغاندا ھىسابلاپ چىققان خام نېفىت باھاسى %2.24 ئۆرلىگەن، 6-ئاينىڭ 23-كۈنى ماي باھاسىنى تەڭشەش ۋەزىيتى تۇراقلىشىپ بولدى، ئالدىنقى نۆۋەتتىكى تەڭشەلمىگەن بۆلەكنى قوشقاندا بۇ قېتىمقى تەڭشەش كۆلىمى ھەر توننىسىغا 150 يۈەنگىچە بولىشى مۇمكىن. ئانالىزچى مېڭ پىڭ جۇڭگو يېڭى تور ئېنېرگىيە قانىلىغا ئىپادە بېلدۈرۈپ:" نۆۋەتتىكى خام نېفىت باھا يۆنىلىشىدىن قارىغاندا، ماي باھاسى داۋاملىق ئۆسىدۇ، شۇنىڭ ئۈچۈن بۇ قېتىملىق تەييار نېفىت باھاسىمۇ شۇنىڭغا ماسلىشىپ ئۆسىدۇ" دېدى.
لۇڭجۇڭ نېفىت-خېمىيە تورى ئانالىزچىسى شۈ يىڭمۇ ئىپادە بېلدۈردى، يېقىندىن بۇيان ئىراق ۋەزىيىتى يەنىلا بازارنىڭ ئالاھىدە دىققەت نۇقتىسى بولۇپ، سودىگەرلەرنىڭ ئىراق ۋەزىيتىگە بولغان ئەنسىرەش كەيپىياتى ئاجىزلىغىنى يوق، بۇ ماي باھاسىنىڭ ئاساسى نۇقتىسىنى ياخشى بىر يۆلەك بىلەن تەمېنلەيدىكەن. ئوخشاش ۋاقىتتا ئامىرېكا ئىقتىسادىدا يەنىلا مۇقىم ياخشىلىنىش كۆرۈلگەن بولغاچقا، خەلقئارا ماي باھاسى مۆلچەردە قىسقا مۇددەت ئىچىدە يەنىلا يۇقىرى باھادا ئايلىنىدىكەن. بۇ يۆلەك بىلەن تەييار نېفىتنىڭ باھا تەڭشەش كۆلىمى داۋاملىق يۇقىرلىنىدىكەن.
تىجارەتچىلەر جەمئىيىتى ئانالىزچىسى لى خۇڭنىڭ قارىشىچە، خەلىقئارا مال باھاسىنىڭ ئۆسۈش يۆنىلىشى ناھايىتى ئېنىق بولۇپ، ئالدىنقى نۆۋەتتىكى ئاستىلاپ قالغان تەڭشەش كۆلىمىگە قوشۇلۇپ، بۇ قېتىملىق ماي باھاسىنىڭ تەڭشەش كۆلىمى ھەر توننىسىغا 170-180 توننىغىچە ئۆسىدىكەن.
جۇڭگو يېڭى تور ئېنېرگىيە قانىلىنىڭ چۈشەنچىسىگە ئاساسلانغاندا، 2014-يىلى دۆلەت ئىچىدىكى تەييار نېفىت ھىلىمۇ ئۈچ قېتىم ئۆسۈپ، تۆت قېتىم تۆۋەنلەشتەك باھا تەڭشەشنى باشتىن كەچۈرگەن. ئەگەر بۇ قېتىم باھا يەنە ئۆرلىسە بۇ يېلقى تۆتىنچى قېتىملىق ئۆسۈش بولۇپ قالىدىكەن.
باھانىڭ ئۆسۈش مۆلچەرى بازارنى ئويغاتتى
جۇڭگو يېڭى تور ئېنېرگىيە قانىلىنىڭ چۈشىنىشىچە، ماي باھاسىنىڭ ئۆسۈشىگە بولغان قەتئىي مۆلچەرنىڭ تەسىرىدە ھالسىزلانغان جۇڭگو تەييار نېفىت بازىرى ئازراق ئويغېنىشقا باشلىغان. مېڭ پىڭنىڭ تونۇشتۇرىشىچە، باھانىڭ ئۆسۈش مۆلچەرىدە دۆلەت ئىچىدىكى تەييار نېفىت تېرمىنال خىرىدارلىرى ۋە ئوتتۇرىدىكى سودىگەرلەر ئالدىنقى ھەپتە ئاخىرىدا مۇۋاپىق مىقداردا مال تولۇقلاپ، ئىجتىمائىي ئورگانلاردىكى دىزېل ماينىڭ زاپاس مىقدارى مەلۇم دەرىجىدە ئۆسۈپ، دۆلەت ئىچىدىكى ئاساسلىق تىجارەتچى ۋە يەرلىك ماي پىششىقلاپ ئىشلەپچىقىرىش زاۋۇتلىرىنىڭ زاپاس مىقدارى سەل ئازلىدى. بولۇپمۇ شەندۇڭ يەرلىك نېفىت پىششىقلاپ ئشىلەش زاۋۇتى مال چېقىرىش ئەھۋالىنىڭ ياخشىلىنىشىغا ۋە ئاساسلىق سېتىپ چىقىرىش تىجارىتىنىڭ يېقىندىن بۇيان كۆپىيىشىگە ئەگىشىپ، دېزىل مىيى زاپاس مىقدارى ئازلاشقا باشلىدى.
ئەمما ئېھتىياجىنىڭ چەكلىك بولۇشى سەۋەبلىك كىچىك دائىرلىك مال تولۇقلاشنى باشتىن كەچۈرگەندىن كىيىن سودىلىشىش مىقدارى يەنىلا تۆۋەنلەشكە باشلىدى. مېڭ پىڭنىڭ تونۇشتۇرۇشىچە، نۆۋەتتە دۆلەت ئىچىدە دىزېل مىيىنىڭ تېرمىنال ئىھتىياجى يەنىلا نىسبەتەن ئاجىز بولۇپ، يېقىندىن بۇيانقى بىر قىسىم جايلاردىكى قاتتىق يامغۇرنىڭ تەسىرىدە رۇدا، ئاساسى قۇرۇلۇش قاتارلىقلارنىڭ ئىش باشلىشى زەربىگە ئۇچرىغان. بۇنداق ئەھۋالدا ئالدىنقى سەيشەنبە كۈنىدىن باشلاپ دۆلەت ئىچىدىكى تەييار نېفىتنىڭ توپ سېتىش بازىرىدا ئاجېزلاش كۆرۈلگەن.
مېڭ پىڭ :" گەرچە دۆلەت ئىچىدە بېنزىن ۋە دىزېل مىيىنىڭ توپ باھاسى ئومۇميۈزلۈك ئۆرلەش ۋەزىيىتىدە تۇرسىمۇ، ئىھتىياج ھەددىدىن زىيادە تۆۋەن ھالەتتە خېرىدارلارنىڭ "ئۆرلېگەندە سېتىپ، تۆۋەنلىگەندە ساتماسلىق" تەك پىسخىكا ئۈنۈمىنى يوقاتتى" دېدى.
