ئىسرائىلىيە ئارمىيەسى سۇرىيەدىكى توققۇز ھەربىي نىشاننى بومباردىمان قىلدى
يەر شارى تورى خەۋىرى : ئىسرائىلىيە ھەربىي تەرەپ 23 – چىسلا مۇنداق دېدى، سۇرىيە ئارمىيەسىنىڭ گولان ئېگىزلىكىدىكى «قوماندانلىق شىتابى ۋە قارىغا ئېتىش مەيدانى» قاتارلىق توققۇز جايدىكى ھەربىي نىشانىنى بومباردىمان قىلىپ، ئاز دېگەندە ئون ئادەمنى ئۆلتۈرۈپ، سۇرىيەنىڭ 22 – چىسلا چېگرا ئاتلاپ بىر ئىسرائىلىيەلىك ياشنى ئۆلتۈرۈۋەتكەنلىكىدىن قىساس ئالدۇق.22 – چىسلا، سۇ توشۇيدىغان بىر ماشىنا سۇرىيە – ئىسرائىلىيە چېگرىسىنىڭ ئىسرائىلىيە تەرىپىدە بومبا ھۇجۇمىغا ئۇچراپ، ماشىنىدىكى بىر ياش بالا ئۆلۈپ، يەنە ئۈچ كىشى قاتتىق يارىلانغان ئىدى. ئىسرائىلىيە ئارمىيەسىنىڭ باياناتچىسى مۇنداق دېدى، پارتلىغان بۇيۇمنىڭ خاراكتىرىنى تېخى بېكىتكىلى بولمىدى، بىراق ۋەقە يۈز بەرگەن يەرگە ئانچە يىراق بولمىغان جايدىكى چېگرا توسىقىنى بىرسىنىڭ بۇزىۋەتكەنلىكى مەلۇم بولدى. ئىسرائىلىيە مۇنداق دەپ قارىدى، «بۇ دېگەن قەستەن ھۇجۇم قىلغانلىق، بۇ شىرناپېل ئوقى ئەمەس......سۇرىيە بۇ قېتىملىق پارتلىتىپ ھۇجۇم قىلىش ۋەقەسىنى كەلتۈرۈپ چىقارغان. 22 – چىسلا كەچتە، ئىسرائىلىيە تەرەپ سۇرىيەدىكى خېلى كۆپ ھەربىي نىشانغا ھۇجۇم قوزغاپ، شۇ قېتىملىق ھۇجۇمغا جاۋاب قايتۇردى.
گولان ئېگىزلىكى 1967 – يىل 3 – قېتىملىق ئوتتۇرا شەرق ئۇرۇشىدا ئىسرائىلىيە تەرىپىدىن ئىشغال قىلىۋېلىنغان بولۇپ، تاكى ھازىرغىچە ئىسرائىلىيەنىڭ قولىدا. 2011 – يىل سۇرىيە كىرىزىسى پارتىلىغاندىن بۇيان، مىناميوت ئوقى، راكېتا بومبا قاتارلىقلار سۇرىيە تەرەپتىن ئىسرائىلىيەنىڭ قولىدىكى گولان ئېگىزلىكىگە پات پات چۈشۈپ تۇردى، ھەمدە ئىسرائىلىيە تەرەپمۇ زەمبىرەكلىرىنى ئىشقا سېلىپ بۇنىڭغا جاۋاب قايتۇرۇپ تۇردى. ئوتتۇرا شەرق تەھلىلچىلىرى مۇنداق دېدى، ھازىرچە ئىسرائىلىيەلىك ھېلىقى ياشقا زادى سۇرىيە ئارمىيەسى ھۇجۇم قىلدىمۇ ياكى سۇرىيە ئارمىيەسى بىلەن جەڭ قىلىۋاتقان ئۆكتىچىلەر ھۇجۇم قىلدىمۇ، بۇنىسى ئېنىق ئەمەس.
