بىر قىسىم ئاتا - ئانىلار بالىلىرىنىڭ چىشىنىڭ رەتسىز ئۆسۈۋاتقانلىقىنى كۆرۈپ ، بۇنىڭ بالىلارنىڭ چىراي شەكلىگە تەسىر يەتكۈزۈشىدىن ئەنسىرەيدۇ ھەمدە بۇنىڭ سەۋەبىنىڭ نېمە ئىكەنلىكىنى بىلىشكە قىزىقىدۇ . ئۇنداقتا بالىلارنىڭ چىشىنىڭ رەتىسز ئۆسۈشىگە قايسى ئامىللار تەسىر يەتكۈزىدۇ ؟
ئاپتونوم رايونلۇق <<خەلق >> دوختورخانىسى ئېغىز كېسەللىكلىرى بۆلۈمىنىڭ دوختورى ئاسىيەنىڭ دېيىشىچە ، بالىلار چىشىنىڭ رەتسىز ئۆسۈشىنى تۆۋەندىكى ئامىللار كەلتۈرۈپ چىقىرىدىكەن .
1. بارمىقىنى شوراش . بەزى بوۋاقلار تۇغۇلۇپ ئۇزاق ئۆتمەيلا بارمىقىنى شورايدۇ . بۇ ئۈستۈنكى چىشىنىڭ سىرتقا قاراپ يۆتكىلىشى ،ئاستىنقى چىشىنىڭ ئىچىگە قاراپ تۆتكىلىشى پەيدا قىلىپ ، چىشنىڭ رەتسىز بولۇپ قېلىشىنى كەلتۈرۈپ چىقىرىدۇ .
2. تىلىنى ئويناش . سۈت چىشى بىلەن ئۆمۈرلۈك چىشى ئالمىشىدىغان مەزگىلدە سۈت چىشىنىڭ پوشاپ ، ئۆمۈلۈك چىشىنىڭ چىقىشى ياكى قالدۇق يىلتىزىنىڭ ساقلىنىپ قېلىشى سەۋەبلىك بالىلاردا ھەددىدىن زىيادە سەزگۈرلۈك پەيدا بولۇپ ، دائىم تىلى بىلەن چىشى چىقىدىغان ئورۇننى يالايدۇ . ۋاقىت ئۇزارغانسېرى تىل ئويناش ئادىتى شەكىللىنىپ چىشىنىڭ رەتلىك ئۆسۈشىگە تەسىر يەتكۈزىدۇ.
3.ئاستىنقى كالپۇكنى چىشلەش .ئادەتتە 5-6 ياشتىن ئاشقاندىن كېيىن ، بالىلارنىڭ كەيپىياتى دائىم ياخشى بولماسلىق ، تەشۋىشلىنىش سەۋەبىدىن كالپۇكىنى چىشلەش ھالىتى ئارقىلىق ، غەمكىنلىكىنى ئىپادىلەيدۇ . بۇ خىل مۇۋاپىق بولمىغان كالپۇك چىشلەش چىشنىڭ كۆركەملىكىگە تەسىر يەتكۈزىدۇھەم ئاستىنقى كالپۇكتا ھۆل تەمرەتكە پەيدا قىلىدۇ .
4. نەرسىلەرنى قالايمىغان چىشلەش ئادىتى . چىش چىقىش مەزگىلىدە بالىلاردا دائىم ھىس-تۇيغۇ بولىدۇ -دە . شۇنىڭ بىلەن سوسكىسىنىڭ ئۇچىنى چىشلەش ئەھۋالى كۆرۈلىدۇ . چوڭراق ياشتىكى بالىلاردا توتقان ، ياستۇقلارنىڭ بۇرجەكلىرىنى ، بېگىز بارمىقىنى چىشلەيدىغان ، مەكتەپتە ئوقۇۋاتقان بالىلاردا قېرىنداش سىزغۇچلارنى چىشلەيدىغان ئەھۋال كۆپ كۆرۈلىدۇ . بۇ ئامىللار ئۇزاق كۆپ كۆرۈلىدۇ . بۇ ئامىللار ئۇزاق مۇددەت داۋاملاشسا ، چىشنىڭ رەتلىك ئۆسۈشىگە تەسىر يەتكۈزىدۇ .
250704869 
