بوۋاقلار ئۆسۈپ يېتىلىشىدىكى ئالاھىدىلىكى بېشى چوڭ ، ئېغىر ، سۆڭەك بىر قەدەر بوش ، مۇسكۇللىرى تەرەققىي قىلىپ بولالمىغان بولۇپ ، بىر قەدەر كۈچسىز ئاجىز كېلىدۇ .
     1 ئايلىق بولغان بوۋاقلار بېشىنى پەقەت بىردەملا كۆتۈرەلەيدۇ  ، 3 ئايلىق  بولغاندا ئاندىن سەل-پەل تۈزراق قىلىپ بېشىنىڭ ئېغىرلىقىغا بەرداشلىق قىلىپ كۆتۈرەلەيدۇ . شۇڭلاشقا 1~3 ئايلىق بولغان بوۋاق بالىنى قۇچاقلاپ كۆتۈرگەندە كۆتۈرۈش ئۇسۇلغا دېققەت قىلىش كېرەك . بۇ جايدا دېققەت قىلىدىغان مەسىلە ، بالىىڭ بېشىنى ياخشى تېرەپ تۇرۇش كېرەك .

     1~2 ئايلىق بولغان بوۋاق بالىنى ئاساسلىق تەكشى ياتقۇزۇپ قۇچاقلاپ كۆتۈرۈش كېرەك ، ياكى سەل يانتۇراق قىلىپ كۆتۈرسىمۇ بولىدۇ . تەكشى ياتقۇزۇپ كۆتۈرگەندە بالىنى تەكشى ھالدا كۆتۈرگۈچىنىڭ قۇچىقىغا ئورۇنلاشتۇرۇش كېرەك . مەيلى تەكشى ھالدا كۆتۈرسۇن ياكى يانتۇراق كۆتۈرسۇن ، كۆتۈرگۈچىنىڭ بىر ئالدى بېلىكى چوقۇم بالىنىڭ باش قىسمىنى تېرەپ تۇرۇشى ، يەنە بىر بېلىكى بالىنىڭ كاسىسى ھەم بېلىنى تېرەپ تۇرۇشى كېرەك . سۈتنى ئاسان ياندۇرىۋېتىدىغان بالىلارنى ئامال بار يانتۇ كۆتۈرۈش كېرەك ، بۇنداق قىلغاندا بالىنىڭ سۈت ياندۇرىشىنىڭ ئالدىنى ئالغىلى ياكى يېنىكلەتكىلى بولىدۇ .

      3 ئايلىق بولغان بوۋاق بالىلارنى ئاساسلىق يانتۇ كۆتۈرۈش ياكى تۈز كۆتۈرسە بولىدۇ . بالىنى تۈز كۆتۈرگەندە ئىككى خىل ئۇسۇل ئارقىلىق كۆتۈرسە بولىدۇ : بىر خىلى بوۋاق بالىنىڭ دۈمبىسىنى كۆتۈرگىچىگە قارىتىپ كۆتۈرۈپ كۆتۈرگۈچىنىڭ بىر بېلىكىگە ئولتۇرغۇزىۋېلىپ ، يەنە بىر بېلىكى بىلەن بالىنىڭ كۆكرەك قىسمىنى توسۇپ ، بالىنىڭ بېشى بىلەن دۈمبىسى كۆتۈرگۈچىنىڭ ئالدى كۆكرىكىگە تەككۈزۈپ تۇرسا بولىدۇ .  يەنە بىر خىل كۆتۈرۈش ئۇسۇلى بالىنى كۆتۈرگۈچىگە قارىتىپ بىر بېلەككە ئولتۇرغۇزۇپ ، كۆتۈرگۈچىنىڭ يەنە بىر قولى بالىنىڭ گەجگىسى ، دۈمبە قىسمىنى تېرەپ تۇرۇش كېرەك . بۇ ئارقىلىق بالىنىڭ كۆكرەك قىسمىنى كۆتۈرگۈچىنىڭ كۆكرىكى ھەم مۈرىسىگە تېرىتىپ تۇرسا بولىدۇ .

       بۇنىڭدىن سىرت بالىنى كۆتۈرگەندە بالىنى قوغداش بىلەن بىرگە بالىنىڭ راھەت بولۇش بولماسلىقىغا دېققەت قىلىش ھەم بالىغا بىخەتەرلىك تۇيغۇسى بېرىش كېرەك . بالىنى كۆتۈرۈپ ئالغاندا ھەم يەرگە قويغاندا ھەرىكەت چوقۇم ئاستا سىلىق بولۇشىغا دېققەت قىلىش كېرەك .