چارچاش بەدەندىكى توقۇلما،ئەزالارنىڭ فۇنكىسيسى ياكى ئىنكاسى ئاجىزلىشىشتىن كېلىپ چىقىدۇ.چارچاشنى پەيدا قىلىدىغان ئامىللار ناھايىتى كۆپ،مەسلەن: ھەركەت ھەددىدىن زىيادە كۆپ بولۇش،كۈچلۈك غىدىقلىنىش،قان ئازلىق،قەۋزىيەت،ھورمونلار تەڭپۇڭسىزلىنىش ۋە ۋىتامىن B يېتىشمەسلىك قاتارلىقلار. كۈندىلىك تۇرمۇشتا ئاياللاردا ھېرىپ چارچاپ كەتتىم،دەيدىغان ئەھۋاللار ئەرلەرگە قارىغاندا كۆپ بولىدۇ.بۇ خىل ئەھۋال ئاياللاردىكى فىزىئولوگىيلىك ئالاھىدىلىكى بىلەن مۇناسىۋەتلىك بولىدۇ. ئاياللارنىڭ ئاسانلا چارچاپ كېتىشىدىكى سەۋەبلەر تۆۋەندىكى بىر نەچچە تۈرلۈك بولىدۇ:
1.تۆمۈر كەملىكتىن كېلىپ چىققان چارچاش:
كۆپ ساندىكى ئاياللاردا بولىدىغان چارچاش تۆمۈر كەملىكتىن بولىدىغان قان ئازلىق بىلەن مۇناسىۋەتلىك بولىدۇ.قان ئازلىقنىڭ ئاساسلىق سەۋەبى ھەيزدىن ئىبارەت. ئادەم بەدىنى كۈندىلىك مېتابولىزىمدا 2مىللىگرام تۆمۈرگە ئېھتىياجلىق بولىدۇ.ئەمما تۆمۈر تولۇقلاشتا پەقەت يېمەكلىككە تايىنىپلا ئۇنى تولۇقلاپ بولغىلى بولمايدۇ.بەدەندە تۆمۈر يېتىشمەسلىكتىن بولىدىغان قان ئازلىقتا قان ئازلىق پەيدا قىلغان بەدەننىڭ ئوكسىگېن بىلەن تەمىنلىنىشى يېتەرلىك بولماسلىق ئەھۋاللاردىن ئادەمدە چارچاش سېزىمى كېلىپ چىقىدۇ.
2.ھورمۇن ئۆزگىرىشتىن كېلىپ چىقىدىغان چارچاش:
بەدەندىكى ھەر خىل ھورمۇنلار ئارىسىدا ئۆزئارا مىكرو سېكۇنت تەڭپۇڭلىقى ساقلانغان بولىدۇ. شۇ ئارقىلىق ئورگانىزىمنىڭ مېتابولىزىمغا ياكى كەيپىياتقا تەسىر قىلىدۇ. راك ياكى خالتىلىق ئىششىق بولغان تۇخۇمداننى پۈتۈنلەي ئېلىۋەتكەندە ياكى روھىي جىددىيلىشىش،ھاياجىنىنى بېسىۋېلىش ھورمۇنلارنىڭ ئاجىرلىشىغا تەسىر قىلىپ،كەيپىياتتا ئۆزگىرىش بولۇپ،چارچاش پەيدا قىلىدۇ.بۇنىڭدىن قالسا ھەيزدىن بۇرۇن باش ئاغرىش،بىئارامسىزلىنىش،چارچاش ئەھۋاللىرى كۆرۈلىدۇ.بۇ بەزى ئاياللاردا پروگېستېرونغا نىسبەتەن زىيادە سەزگۈر بولغانلىقتىن كېلىپ چىققان بولىدۇ . يەنى ، ھەيزدىن بۇرۇن بەدەن ئېھتىياجلىق بولغان ئېنېرگىيىنى تولۇق قوبۇل قىلالمىغانلىق سەۋەبىدىن بولىدۇ. ئۇنىڭدىن باشقا،تەركىبىدە ھورمۇن بولغان ھامىلدارلىقتىن ساقلىنىش دورىلىرىنى ئىچكەنلىكتىن بەدەندە ئەسلىدە بار بولغان ھورمۇنلارنىڭ تەڭپۇڭلىقىغا تەسىر قىلىپ چارچاشنى كەلتۈرۈپ چىقىرىدۇ.
3.ئۈچەي زەھەرلىرى پەيدا قىلغان چارچاش:
ئادەتتە ئاياللاردا قەۋزىيەت ئەھۋاللىرى كۆپ ئۇچرايدۇ. ئۈچەيدە يىغىلىپ قالغان تەرەتلەر زەھەر پەيدا قىلىپ،ئۈچەي دىۋارى سۈمۈرگەندىن كېيىن چارچاش ئەھۋالى كېلىپ چىقىدۇ.ئۈچەيدە كۆپ خىل باكتېرىيىلەر بولىدۇ.باكتېرىيىلەر ئوتتۇرىسىدا بىر خىل تەڭپۇڭلۇق مەۋجۇت بولۇپ ، روھىي جىددىيلەشكەندە، سوغۇق تاماقلارنى يېگەندە ۋە گۆشنى ھەددىدىن زىيادە يېگەندە ئۈچەيدىكى باكتېرىيىلەر ئوتتۇرىسىدىكى تەڭپۇڭلۇق بۇزۇلۇپ ،باكتېرىيىلەر توپىنى قالايمىقانلاشتۇرىۋېتىدۇ.بۇنىڭ بىلەن ئۈچەيدە زەھەر شەكىللىنىپ ئادەمنى چارچىتىدۇ. دېمەك،چارچاشنى پەيدا قىلىدىغان سەۋەبلەرنى تېپىپ چىققاندىلا،ئۇنىڭغا قارشى تەدبىر قوللىنبپ ئاياللاردىكى چارچاش ئەھۋاللرىنى يېنىكلەتكىلى بولىدۇ.
