1. يۈزى قىزىرىش
ئىككى مەڭزىنىڭ قىزرىپ قېلىشى غەرب تېبابەتچىلىكىدە دىيىلگەن " سەۋەبى ئېنىق بولمىغان مەڭزى يىنىك قىززىش " بولىشى مۇمكىن بولۇپ، جىسمانى كۈچى ھەددىن زىيادە خوراپ كەتكەندە بەدەندىكى  سۇ تەركىبنىڭ تەڭپۇڭلىقىغا تەسىر كۆرسىتىدۇ دە ئىككى مەڭزى قىزرىپ قالىدۇ .ئەگەر ئىككى مەڭزى قىزرىىپ قېلىشتىن سىرىت ،يەنە تەرلەش، دېمى سىقىلىش ئالامەتلىرى كۆرۈلسە،   قىزىتمىسى ئۆرلەپ كەتكەنلىكتىن بولۇشى مۇمكىن. بۇنداق ئەھۋالدا ئىسسق سۇدا راھەت يۇيۇنۇپ، ۋىتامىنc مىقدارى مول بولغان مېۋە ئىستېمال قىلىپ،  ئاندىن راھەت بىر ئۇخلىۋالغاندىن كېيىن قىزىتمىنى كۆرىنەرلىك يەڭگىلەتكىلى بولىدۇ.
2. چىرايى خۇنۈكلىشىش
قاپاق ئىچى تەرىپى ئاقرىش،لەۋ ۋە چىرايى تاتىرىش بۇلارنىڭ  ھەممىسى قان ئازلىق كېسىلىنىڭ ئالامىتىدۇر .ئۇنىڭدىن باشقا نەپەسنىڭ ئاجىز بولىشى تېرە  ئىقتىدارىنى ئاجىزلاشتۇرۇپ، قارا پىگمېنتلارنىڭ ئىشلەپ چىقىرىش ئىقتىدارىنى تۆۋەنلىتىدۇ دە ئوڭايلا چىراينىڭ خۇنۈكلۈكنى كەلتۈرۈپ چىقىرىدۇ،بۇنداق ئەھۋالدا ئوزۇقلۇق تولۇقلاشتىن باشقا ئاستا يۈگۈرۈش, پىيادە مېڭىش قاتارلىق ھەركەتلەرنى ئېلىپ بېرىپ ,ئوكسېگىن بىلەن تەمىنلەشكە ھەققى كاپالەتلىك قىلىش لازىم .

3.ياڭاق سۆڭىكىنىڭ ئۈستىگە قورۇق پەيدا بولۇش
ياڭاق سۆڭىكىنىڭ ئۈستىدىكى قورۇقنىڭ پەيدا بولىشى جىگەر ئىقتىدارىنىڭ نورمالسىزلىنىش سەۋەبىدىن كىلىپ چىققان بولىشى مۇمكىن. جىگەر ئىقتىدارى قاننى تازلاپ بېرەلمەي ياكى قانغا تولۇق بولغان ئوكسىگىننى يەتكۈزۈپ بېرەلمىگەنلىكتىن قاننىڭ بۇزۇلۇشنى كەلتۈرۈپ چىقىرىدۇ ۋە بەدەن ئىچىدىكى ماددا ئالماشتۇرۇش سۈرىتىنى ئاستىلىتىپ، تېرىنىڭ سەزگۈرلىكىنى ئاشۇرۇپ تېرىدە قورۇق پەيدا قىلىدۇ. گېرمانىيە مېدىتسىنا مۇتەخەسسىسى مۇنداق دەيدۇ، جىگەر ئىقتدارى ماددا ئالماشتۇرۇش ئۈنۈمىنى دوختۇرغا كۆرۈنۈپ يۇقىرى كۆتۈرگەندىن سىرىت، ياڭاق سۆڭكى ئۈستىدىكى تېرە بىر قەدەر نېپىز بولغاچقا, ئۇلترا بىنەپشە نۇرنىڭ زەخىملەندۈرۈشى  ۋە كۈن نۇرىدىن ساقلىنىشقا ئالاھىدە دىققەت قىلىش كېرەك.
4. تەر تۆشۈكى يوغىناش
ياشنىڭ چوڭىيىشىغا ئەگىشىپ تېرە يېغى ئاجراتمىسى تەدرىجىي ئازىيىدۇ،  نەملىكىمۇ تۆۋەنلەشكە باشلايدۇ ،ئەگەر بۇ ۋاقىتتا بەدەندە مەلۇم ۋىتامىن كەمچىل بولسا تەر تۆشۈكچىسى يوغنايدۇ . بۇنى ھەل قىلىشتىكى ئەڭ ياخشى ئۇسۇل ۋىتامىنc نى يىتەرلىك تولۇقلاش. ئۇنىڭ  تەركىبىدىكى  كوللاگېن  ئاقسىلى  تېرىنىڭ  نەملىكى  ۋە ئېلاستىكىلىقىنى  ئاشۇرۇپ  تەر تۆشۈكچىسىنى تارايتىدۇ .
5. چىرايى قارىدىماق

  بۆرەك بەدەن ئىچىدىكى سۇ تەركىبىنى تەڭشەپ ماددا ئالماشتۇرۇشقا ياردەم بېرىدۇ، ئەگەر بۆرەكنىڭ ئۇلترا فىلتىرلاش ئىقتىدارى تۆۋەنلىگەندە كېرەكتىن چىققان ماددىلار ئۇزاق ۋاقىت بەدەن ئىچىگە يىغىلىۋېلىپ تېرە رەڭگىنىڭ  خۇنۈكلۈكنى  كەلتۈرۈپ  چىقىرىدۇ . يېڭى باشلانغاندا تېرىنىڭ نېپىز يەرلىرىدە پىگمېنت داغلىرى پەيدا بولىدۇ ئاندىن ئاستا-ئاستا تۆت ئەتراپقا قاراپ تارىلىدۇ .بۇنداق ئەھۋالدا مېۋە-چېۋە ۋە كۆكتات ئارقىلىق زەھەر ھەيدەش ئۇسۇلنى سىناپ باقسىڭىز بولىدۇ. ھەر كۈنى كۆپ مىقداردا سۇ ئىچىش ،يېڭى مېۋە- چىۋىلەرنى يېيىش ،گۆشلۈك يېمەكلىكلەردىن ساقلانغاندا بەدەن ئىچىدىكى كېرەكتىن چىققان ماددىلارنى تەبىئىي پاكىزلاپ چىقىرىۋەتكىلى بولىدۇ.
6. رەڭگى كۆكىرىش  
ئەگەر چىرايى كۆكرىپ قالسا بۇ كۆپىنچە ئوكسېگىن يېتىشمەسلىكىدىن بولىدۇ، چىدىغۇسىز ئاغرىقتىمۇ  دائىم چىرايى تاتىرىپ،  ھەتتا كۆكرىپ قالىدۇ. زېھنى كۈچى تۆۋەنلەش ۋە تۇغما يۈرەك كېسەللىكى بولغاندىمۇ چىرايى كۆكرىپ قالىدۇ.