يۈزىڭىزگە دانخورەك چىقىشنىڭ سەۋەبىنى تېپىپ چىقىپ، ئۈزۈل كېسىل داۋالاش ئارقىلىق دانخورەكنى ئۈنۈملۈك ھالدا داۋالاپ ساقايتقىڭىز بارمۇ؟

1. پىشانە.

پىشانىڭىزگە دانخورەك چىقسا بۇ سىزنىڭ ئاچىقىڭىز كېلىپ كەيپىياتىڭىزنى تەڭشىيەلمىگەنلىكتىن ياكى ئۆتىڭىزنىڭ تېشىپ كەتكەنلىكىدىن بۇلىدىكەن. شۇنداقلا خىزمەت بېسىمى ئېشىپ كەتسىمۇ، ئۇيقۇ يىتەرلىك بولمىسىمۇ مۇشۇنداق ئەھۋال كۆرىلىدىكەن. بۇنداق ئەھۋالدا ياخشى بولغان تۇرمۇش ئادىتىنى يىتىلدۈرسىڭىز ياكى قايناق سۇنى كۆپ ئىچىش ياكى ساياھەت قىلىش بىلەن شوغۇللانسىڭىز ياخشى بۇلىدىكەن.

2. سول مەڭز.

ئەگەر سول مەڭزىڭىزدىكى دانخورەك بىر قەدەر كۆپ بولسا، بۇ ئاساسلىقى سىزنىڭ جىگەر ئىقتىدارىڭىزنىڭ ياخشى بولمىغانلىقىنى، جىگەرنىڭ ئاجىراتمىلىرى، زەھەر قايتۇرۇش ياكى قان ياساش ئىقتىدارىدا مەسىلە كۆرۈلگەنلىكىنىڭ ئىپادىسى ئىكەن. بۇنىڭ ئىپادىسى بولسا ئاساسلىقى ئىنتايىن ئاسان ھارغىنلىق ھېس قىلىش، ئېغىزى قۇرۇش، مىجەزى چۇسلۇشۇپ كېتىشتەك ئالامەتلەر كۆرۈلۈدىكەن. بۇنداق ئەۋال ئاستىدا ئەڭ ياخشىسى نۇرمال كەيپىياتىنى ساقلاپ، كۆڭلىنى ئازادە تۇتۇش كېرەك ئىكەن. يېمەكلىك ئىستىمال قىلغاندا ئىسىقنى قايتۇردىغان، جىگەرنىڭ ئىسىقلىقىنى تارتىدىغان يېمەكلىكلەرنى ئىستىمال قىلىش پايدىلىق ئىكەن. ئەگەر ئەھۋالىڭىزنى ئېغىرراق ھېس قىلسىڭىز جۇڭگو تىبابىتى دوختۇرىنى ئىزدەپ ئاجىراتمىنى تەڭشەيدىغان دورىنى يىسىڭىز بۇلىدىكەن.

3. ئوڭ مەڭزى.

ئوڭ مەڭزىگە دانخورەك چىقىش ئاساسلىقى ئۆپكە ياللۇغىنىڭ ئېغىرلىشىپ كەتكەنلىكىدىن ياكى بىر نەرسىنىڭ تېزلا بەدەننىڭ سەزگۈرلىكىنى ئاشۇرۋەتكەنلىكتىن، زۇكامنىڭ ئالامىتىدىن دېرەك بەرگەنلىك بۇلىدىكەن. بۇنداق ئەھۋال ئاستىدا ئادەتتە نەپەس يۇلىنىڭ كۈتۈنىشىگە دىققەت قىلىش، كۆپراق سۇ ئىچىش، يېمەكلىككە دىققەت قىلىش كېرەك ئىكەن، شۇنىڭ بىلەن بىرگە ئۆپكىدىكى ئىسىقنى تارتىدىغان دورىلارنى يىيىش لازىم ئىكەن. ئاسان بەدەننىڭ سەزگۈرلىكىنى قوزغايدىغان يېمەكلىكنى يېيىشتىن ساقلىنىش لازىم ئىكەن.

4. بۇرنىنىڭ ئۇچى.

بۇرنىنىڭ ئۇچىغا دانخورەك چىقىش ئادەتتە ئاشقازاننىڭ ئىسىقىنىڭ ئېشىپ كەتكەنلىكىدىن دېرەك بېرىدىكەن، ھەزىم قىلىش سېستىمىسى نۇرمالسىزلاشقانلىقتىن دېرەك بېرىدىكەن. يۈزى چۇقۇر بۇلۇپ كەتكەن كىشىلەرمۇ ئاساسلىقى ئاشقازاننىڭ ئىسىقلىقى ئېشىپ كەتكەنلىكتىن ياكى يېمەكلىكنىڭ يىغىلىپ قالغانلىقىدىن بۇلىدىكەن. شۇڭا ئاساسەن سوغوق سەيلەرنى ئاز يېيىش كېرەك ئىكەن. چۈنكى سوغوق سەيلەر ئاسانلا ئاشقازان كىسلاتاسىنىڭ ئاجىرلىپ چىقىشىغا تەسىر كۆرسىتىش بىلەن بىرگە ئاشقازاننىڭ ئىسىقلىقىنىڭ ئېشىپ كەتكەنلىكىدىن دېرەك بېرىدىكەن. ئۇنىڭدىن باشقا بەك كەچ كەچلىك تاماق يىسىمۇ مۇشۇنداق بۇلىدىكەن، ئۇخلاشتىن 4 سائەت بۇرۇن يېمەكلىك ئىستىمال قىلسا ئەڭ ياخشى بۇلىدىكەن.

5. بۇرۇننىڭ ئىككى يان تەرىپى.

ئاساسلىقى تېرە ئاجىراتمىلىرنىڭ ئېشىپ كەتكەنلىكىدىن كېلىپ چىقىدىكەن. بەلكىم تۇخۇمدان ياكى كۆپىيىش سېستىمىسى بىلەن مۇناسۋەتلىك بۇلىشىمۇ مۇمكىن ئىكەن. بۇنداق ئەھۋال ئاستىدا سۇ تۇللۇقلاشنى كۈچەيتىش بىلەن بىرگە تۈك تۈشۈكچىلىرىدىكى كىرلەرنى پاكىز بىر تەرەپ قىلىش لازىم ئىكەن. تەبىئي بولغان مۇھىتتىن كۆپراق ھۇزۇرلۇنىش، مەنزىرلىك جايلارغا بېرىپ مېڭىپ بېرىش، كەيپىياتىنى ياخشى ساقلاش لازىم ئىكەن.

6. ئېغىزنىڭ ئەتراپى.

ئىچىڭىز قېتىپ قېلىشتىن كىلىپ چىقىدىغان بۇلۇپ، ئەگەر بۇ ئادەتنى ئۆزگەرتمىسىڭىز، بەدەن ئىچىدىكى زەھەرلەرنىڭ توپلۇشۇپ قېلىشىنى كەلتۈرۈپ چىقىرىپ ئېغىزىڭىزنىڭ ئەتراپىغا دانخورەك پەيدا بۇلىدىكەن. بۇنىڭ ئۈچۈن سىز ياخشى بولغان يېمەكلىك ئادىتىنى يىتىلدۈرۈشىڭىز، ئادەەتە تالالىق يېمەكلىكلەرنى كۆپراق ئىستىمال قىلىش بىلەن بىرگە سەي كۆكتات ۋە مېۋە-چىۋىلەرنى ياخشى ئىستىمال قىلىشىڭىز كېرەك ئىكەن.

7. ئاستىنقى ئېڭەك.

بۇ ئاساسلىقى ئايال- قىزلارنىڭ ئادەت كۆرۈشىدىن بۇرۇن دانخورەك چىقىدىغان جاي بۇلۇپ ئاساسلىقى ئىچكى ئاجىراتمىنىڭ بۇزۇلىشىدىن كېلىپ چىقىدىكەن. بۇنداق ئەھۋال ئاستىدا ئاساسلىقى سوغوق نەرسىلەرنى ئاز يېيىش ، مايسىز تاماقلارنى كۆپراق ئىستىمال قىلىش كېرەك ئىكەن. بۇنىڭدىن باشقا قىزلار ۋە ئاياللار دائىم پۇتىنى قىزىق سۇغا چىلاپ بەرسە ياخشى ئىكەن.

بۇنىڭ بىلەن بىرگە تۆۋەندىكى نوقتىلارغا دىققەت قىلىش كېرەك ئىكەن.

1. ھەر بىر ئادەم ئۆزىنىڭ شەخسىي تازلىققا دىققەت قىلىشى كېرەك ئىكەن.

2. كۆپە، ياتقان، ياستۇقلىرىنىڭ كېرلىكلىرىنى ۋاقتىدا ئالماشتۇرۇشى لازىم ئىكەن.

3. چاچلارغا ئىشلىتىدىغان چاچ بۇيىقى ۋە چاچ قاتتۇرۇش دورىلىرىنى بەك كۆپ ئىشلەتمەسلىك لازىم ئىكەن.

4. ئىشلەتكەن گېرىم بۇيىملىرىنىڭ ئۆزىگە ماس كەلگەن ياكى ماس كەلمىگەنلىكىگە دىققەت قىلىش لازىم ئىكەن.