كۈندىلىك تۇرمۇشىمىزدا نۇرغۇن ئادەملەر تاماقتىن كېيىن تاماكا چېكىشكە ئادەتلەنگەن بولۇپ، گەرچە تاماكا چېكىشنىڭ سالامەتلىكىڭىزگە زىيانلىق ئىكەنلىكىنى بىلىپ تۇرسىمۇ، ئۇنىڭ پەقەت ئۆپكىمىزگىلا ئەمەس يەنە بىۋاستە ۋە ۋاستىلىك ھالدا مەقئەت - ئۈچەي كېسەللىكلىرىنى كەلتۈرۈپ چىقىرىدىغانلىقىن ئويلاشمىغان بولۇشىمىز مۇمكىن.
تاماقتىن كېيىنكى تاماكا كۆپرەك ئارىلاشما گېمروروينى كەلتۈرۈپ چىقىدىغان بولۇپ، ئارىلاشما گېمورويدا ئادەتتە ئىچكى گېموروي ۋە تاشقى گېموروينىڭ كېسەللىك ئالامەتلىرى ئورتاق كۆرىنىدۇ.
دەسلىپىدە ئىچكى گېموروي شەكىللىنىپ، ۋېنا تومۇرىنىڭ كېڭىيىشىنى كەلتۈرۈپ چىقىرىدۇ، ئاخىرىدا تاشقى گېموروينى كەلتۈرۈپ چىقىرىدۇ.
ئارىلاشما گېموروي بولسا مەقئەت - ئۈچەي كېسەللىكلىرى ئىچىدە كۆپ كۆرىلىدىغان بىر خىل كېسەللىك تۈرى بولۇپ، بالىلاردىن سىرىت ھەر قانداق بىر ياشتىكىلەرنىڭ گىرىپتار بولۇش ئېھتىماللىقى بار .
ئارىلاشما گېمورويغا گىرىپتار بولغۇچىلاردا ئادەتتە قاناش، سوڭى چىقىش ئالامەتلەر كۆپ كۆرۈلگەچكە، بىمارلارنىڭ خىزمەت ۋە تۇرمۇشىغا نۇرغۇن قولايسىزلىقلارنى ئېلىپ كېلىدۇ، ئۇزاق مەزگىل مەقئەت ئېغىزى قانىغانلىقتىن، بىمار ئاجىزلاپ، رەڭگى - روھى سارغىيىش، بېشى قىيىش، كۆزى تورلىشىش، ماغدۇر يېتىشمەسلىك ۋە قان ئازلاشتەك ئەگەشمە كېسەللىكلەرنى كەلتۈرۈپ چىقىرىدۇ.
ئۇنداقتا نېمىشقا تاماكا چېكىشنى گېموروي كېسەللىكىنى كەلتۈرۈپ چىقىرىدۇ دەيمىز؟
تاماكا نېرۋىلارنى غىدىقلاپ، شۆلگەي ۋە ئاشقازان سۇيۇقلىقىنىڭ ئاجىرىلىپ چىقىشىنى تېزلىتىپ، ئاشقازان ئۈچەينى ھەمىشە جىددى خىزمەت ھالەتتە تۇرۇشقا مەجبۇرلايدۇ، تاماكا تەركىبىدىكى نىكوتىن ئاشقازان ئۈچەينىڭ ئىچكى پەردە قان تومۇرلىرىنىڭ يىغىلىشنى كەلتۈرۈپ چىقىرىپ، تاماكا چەككۈچىلەرنىڭ ئىشتىھاسى ناچارلىشىدۇ.نورمال يىمەك - ئىچمەك ئادىتى سالامەتلىكىمىزنىڭ كاپالىتى بولۇپ، زىيادە تاماكا چېكىش ئىشتىھانى ناچارلاشتۇرۇپ، ئوزۇقلۇق يېتىشمەسلىكنى كەلتۈرۈپ چىقىرىپ، ئېممۇنىتېت كۈچىمىزنى تۆۋەنلىتىپ، گېموروي قاتارلىق كېسەللىكلەرنىڭ پەيدا بولىشىغا پۇرسەت يارىتىپ بېرىدۇ.
مەزكۇر تېمىنىڭ كىچىك ئاپتورى شۇنداق ئەسكەرتىدۇكى:تاماقتىن كېيىن تاماكا چېكىشنى داۋاملاشتۇرىۋەرسىڭىز، گېموروي ھامان سىزنى ئىزدەپ كېلىدۇ. تاماكا مىقتارىنى ئازلىتىش، بولۇپمۇ تاماقتىن كېيىنكى تاماكا مىقتارىنى ئازلىتىش كېرەك.ئارىلاشما گېموروري بىمارلىرى ۋاقتىدا داۋالىنىش، ئەڭ مۇۋاپىق داۋالىتىش مەزگىلىنى ئۆتكۈزۈۋەتمەسلىكى كېرەك.
تاماكىنىڭ ئىسسىقنى ئاشۇرىدىغىنى ھەممىمىزگە ئايان بولۇپ، ئىسسىقى ئاشقاندا چوڭ تەرەت قۇرغاقلىشىدۇ ۋە گېموروينىڭ كېسەللىك ئەھۋالىنى تېخىمۇ ئېغىرلاشتۇرىۋىتىدۇ، شۇڭا گېموروي كېسەللىكىگە گىرىپتار بولغۇچىلار تاماكا مىقدارىغا تېخىمۇ دىققەت قىلىشىمىز كېرەك.
