ياپونىيە ئامېرىكىدىن ھۇجۇمچى پاراخوت كىرگۈزۈپ، دياۋيۈ ئارىلى مۇداپىئەسىنى كۈچەيتىشنى قارار قىلدى
ياپونىيە تاراتقۇلىرىنىڭ 1-فېۋرالدىكى خەۋىرىگە قارىغاندا، ياپونىيە دېڭىز قوغدىنىش قىسمى دياۋيۈ ئارىلى ۋە ئوكىناۋانىڭ ئەتراپىدىكى ئاراللارنىڭ مۇداپىئەسىنى كۈچەيتىش ئۈچۈن، چوڭ تىپتىكى قۇرۇقلۇقتا ماڭالايدىغان ھۇجۇمچى پاراخوت كىرگۈزۈشنى قارار قىلغان.
خەۋەردە ياپونىيە مۇداپىئە ۋازارىتى ئاشكارىلىغان خەۋەر نەقىل كەلتۈرۈلۈپ مۇنداق دېيىلدى: قۇرۇقلۇقتا ماڭالايدىغان ھۇجۇمچى پاراخوت كىرگۈزۈش-ئارالدىن يىراق جايلارنىڭ مۇداپىئەسىنى كۈچەيتكەندىن سىرت، يەنە جەنۇبىي دېڭىز چۆكمىسىدىكى غايەت زور يەر تەۋرەش قاتارلىق ئاپەتلەر يۈز بەرگەندىكى ئاپەتتىن قۇتقۇزۇش، تاقابىل تۇرۇشنى مەقسەت قىلىدۇ. ياپونىيە مۇداپىئە ۋازارىتى 2018-يىلىغىچە، ئامېرىكىدىن بۇ خىل قۇرۇقلۇقتا ماڭالايدىغان ھۇجۇمچى پاراخوتنى كىرگۈزۈشنى پىلانلىدى.
ياپونىيە ھۆكۈمىتى بۇلتۇر 12-ئايدا ئوتتۇرا مەزگىللىك مۇداپىئە كۈچىنى تەييارلاش پىلانىنى رەسمىي قارار قىلىپ، زور كۆلەملىك ئەسكەر يۆتكەپ، ئارالدىن يىراق جايلارنىڭ مۇداپىئەسىنى كۈچەيتىش ئۈچۈن، كۆپ ئىقتىدارلىق پاراخوت كىرگۈزۈشنى رەسمىي قارار قىلدى.
