جۇڭگو تورى خەۋىرى: 31-يانۋار، گېرمانىيە زۇڭلىسى مېركىل «ئوغرىلىقچە ئاڭلاش» ئاشكارىلانغاندىن كېيىن تۇنجى قېتىم گېرمانىيەگە زىيارەتكە كەلگەن ئامېرىكا دۆلەت سېكرېتاتى كېررىي بىلەن كۆرۈشتى، ھەمدە ئامېرىكا ئاخبارات ئورگانلىرىنىڭ پائالىيىتى ۋە ياۋرو ئامېرىكا ئىشلىرى توغرىسىدا ئۆزئارا پىكىر ئالماشتۇردى. ئىككى تەرەپ بولسا گېرمانىيە، ئامېرىكا مۇناسىۋىتىنىڭ مۇھىملىقىنى تەكىتلىدى، شۇنىڭ بىلەن بىرگە بۇ توغرىسىدىكى ئىختىلاپنى ھەل قىلىشنىڭ چارىسىنى بىرلىكتە ئىزدەپ چىقتى.
