شىياڭگاڭ ۋېنخۇي گېزىتى تورىنىڭ 22-ئىيۇل خەۋىرى: نېفىت ئېكىسپورت قىلغۇچى دۆلەتلەر تەشكىلاتىنىڭ ئەڭ يېڭى سانلىق مەلۇماتىدا كۆرسىتىلىشىچە، ۋېنسۇئىلا سەئۇدى ئەرەبىستانىدىن ئېشىپ يەر شارى نېفىت زاپىسى مىقدارى ئەڭ يۇقىرى دۆلەت بولۇپ قالغان. بىراق تەھلىللەردە كۆرسىتىلىشىچە، ۋېنسۇئىلانىڭ نېفىتىدا ئېغىر ماي مىقدارى بولغاچقا، پەقەت «قەغەز ئۈستىدىكى سان» ئىكەن، خام نېفىت بازىرى ياكى سەئۇدى ئەرەبىستان قاتارلىق دۆلەتلەرنىڭ خام نېفىت چوڭ دۆلىتى بولۇش ئورنىغا تەھدىت سالالمايدىكەن.
OPEC ئالدىنقى ھەپتە دوكلات ئېلان قىلىپ، ۋېنسۇئىلانىڭ خام نېفىت زاپىسىنىڭ 296 مىليارد 500 مىليون تۇڭغا يېتىپ، سەئۇدى ئەرەبىستانىنىڭ 264 مىليارد 500 مىليون تۇڭدىن ئېشىپ كەتكەنلىكى كۆرسىتىلگەن. تەھلىلچىلەرنىڭ بىلدۈرۈشىچە، ۋېنسۇئىلانىڭ ئېغىر ماي تەركىبى يۇقىرى بولۇپ، چەككىلەپ ئايرىش قىيىن، قىممەت، كانادانىڭ نېفىت قۇمى، ئامېرىكىنىڭ سلانېتس نېفىتىغا ئوخشاش «دەرىجىدىن تاشقىرى» خام نېفىتقا تەۋە بولۇپ، نورمال ئەھۋالدا دۆلەتنىڭ رەسىمىي نېفىت زاپىسى ھېسابلانمايدىكەن.
ئامېرىكا ماسساچۇستىس ئىسراتىگىيىلىك ئېنىرگىيە ۋە ئىقتىساد تەتقىقات ئورگىنىنىڭ رەئىسى بىلدۈرۈشىچە، يېڭى تەرتىپ نوقۇل «قەغەزدىكى سان» بولۇپ، نېفىت بازىرىغا ئەمەلىي تەسىر كۆرسىتەلمەيدىكەن، نېفىت شېركەتلىرى ئېغىر ماي زاپىسىنى سېتىۋالمايدىكەن.