شەرق تورى مۇخبىرنىڭ 10-ئاينىڭ 3-كۈنىدىكى خەۋىرى:داڭلىق ناخشىچى سۈن ياۋ ۋېي 10-ئاينىڭ 2-كۈنى چۈشتىن كېيىن مىكروبىلوگىدا ئاغرىق ياتقاندىكى سۈرىتى چىقىرىپ،يۈزىنىڭ ئېشىپ بوينى بىلەن بىر بولۇپ كەتكەنلىكىنى يېزىپ قويغان ئىدى.تولىمۇ كېلىشكەن بىر يىگىتنىڭ يۈزى ئېشىپ قارىغۇسىز بولۇپ كەتكەن بولۇپ شۆلگەي بەز ياللۇغى دەپ دىئاگنوز قويۇلغان.بۇ ئىش ئاشكارىلانغاندىن كېيىن مۇخبىر بۇ ناخشىچىنى زىيارەت قىلدى.
سۈن ياۋ ۋېينىڭ دېيىشىچە شۆلگەي بەز ياللۇغى بولۇپ قالغانلىقتىن يۈز-كۆزلىرى ئېشىپ كەتكەن بولۇپ گەپ قىلىشمۇ تەس كېلىۋاتاتتى،بۇ خىل كېسەل يۇقۇملۇق بولۇپ ،دوختۇرلار دىققەت قىلىشنى تاپىلىغان.
تورداشلارنىڭ دېيىشىچە،سۈن ياۋ ۋېي يېقىندا بەك كۆپ جايلارغا بېرىپ ناخشا كېچىلىكى ئۆتكۈزگەن ھەم ناخشا مۇسابىقىلىرىگە قاتناشقان بولۇپ،ئۆزىنىڭ يېڭى بىر ناخشا پلاستىنكىسىنى چىقىرىش ئۈچۈن بەك جاپالىق ئىشلەۋاتقان بولغاچقا سالامەتلىكى يار بەرمەي قالغان .ئۇنىڭ كېسەللىك ئەھۋالىنىڭ ئېغىرلىقى سەۋەبلىك ئۇنىڭ بارلىق خىزمەتلىرىنى كەينىگە سۈرگەن.