جۇڭشىن تورىنىڭ 9-ئاينىڭ21-كۈنىدىكى تېلېگراممىسى: «بىز مەڭگۈ ھۆكۈمرانلىقنى تالاشمايمىز، مەڭگۈ زوراۋان بولمايمىز!». دۆلەت رەئىسى شى جىڭپىڭ تەكىتلەپ مۇنداق دېدى: «دۆلىتىمىز باشتىن-ئاخىر رايونلار ۋە دۇنيا تىنچ-مۇقىملىقىنى قوغداشتا چىڭ تۇرىدۇ. بىز دۆلىتىمىزنىڭ ئىگىلىك ھوقۇقى ۋە زىمىن پۈتۈنلۈكىنى قوغداشتا، قوشنا دۆلەتلەر بىلەن بولغان تېرىتورىيە، دېڭىز تەۋەلىكى ۋە دېڭىز ھوقۇقى تالاش تارتىشلىرىنى دوستانە سۆھبەت ئارقىلىق تىنچ يول بىلەن ھەل قىلىدۇ».
شى جىنپىڭ يەنە مۇنداق دېدى: «جۇڭخۇا خەلق جۇمھۇرىيتى قۇرۇلغان ئاتمىش يىلدىن بۇيان، بولۇپمۇ ئىسلاھات ئېچىۋېتىلگەن ئوتتۇز يىلدىن بۇيان، دۆلىتىمىز گەرچە زامانىۋىلاشتۇرۇش قۇرۇلۇشىدا دۇنيانى ھەيران قالدۇرىدىغان زور ئۇتۇقلارنى قولغا كەلتۈرگەن بولسىمۇ ، ئەمما جۇڭگونىڭ دۇنيادىكى ئەڭ چوڭ تەرەققىي قىلىۋاتقان دۆلەتلىك ئورنى ئۆزگەرگىنى يوق.جۇڭگونىڭ مۇستەقىل، ئۆز-ئۆزىگە خوجا بولغان تىنچ سىرتقى ئالاقە سىياسىتى ئۆزگەرگىنى يوق. جۇڭگونىڭ تىن تەرەققىيات يولى ۋە سىرتقا ئېچىۋېتىش سىتىراتىگىيىسى ئۆزگەرگىنى يوق. دۆلىتىمىز قانچە تەرەققىي قىلىدىكەن، رايون ۋە دۇنيا بىلەن بولغان ئالاقىسى شۇنچە قويۇقلىشىپ بارىدۇ. شۇنداقلا مۇقىم رايون مۇھىتى ۋە تىنچ خەلقىئارالىق مۇھىتقا شۇنچە ئېھتىياجلىق بولىدۇ. جۇڭگو يىقىنقى يىللاردىن بۇيان تەرەققىياتنىڭ مۇھىملىقىنى ۋە تىنچلىقنىڭ قىممەتلىكلىكىنى چوڭقۇر تونۇپ، تىنچ تەرەققىيات يولىدا بوشاشماي چىڭ تۇرۇپ، قوشنا دۆلەتلەر ئارا دوستانە ھەمراھلىق مۇناسىۋىتىنى ساقلاشتا تەۋرەنمەي چىڭ تۇرۇپ كەلدى.
شى جىنپىڭ يەنە: «بىز دۇنيانىڭ تىنچلىقى ئارقىلىق ئۆزىمىزنى قۇدرەت تاپقۇزىمىز، شۇنداقلا يەنە دۆلىتىمىزنىڭ تەرەققىياتى ئارقىلىق دۇنيانىڭ تىنچلىقىنى قوغدايمىز. مانا بۇ جۇڭگونىڭ تىنچ تەرەققىيات يولىدا بولۇشقا تېگىشلىك مەنىلەرنىڭ بىرى» دېدى