ئىختىيارىي مۇخبىرىمىز ئابدۇكېرىمجان ياقۇپ خەۋىرى ، فوتوسى : ئاپتونوم رايونلۇق ۋە قەشقەر ۋىلايەتلىك رەسساملار جەمئىيىتىنىڭ ئەزاسى ، قەشقەر شەھەرلىك 22–ئوتتۇرا مەكتەپنىڭ گۈزەل سەنئەت ئوقۇتقۇچىسى مۇھەممەدئېلى رېھىمنىڭ پارتىيە 18–قۇرۇلتىيىنى كۈتۈۋېلىش مۇناسىۋىتى بىلەن ئۆتكۈزگەن ماي بوياق ئەسەرلىرى كۆرگەزمىسى 3–نويابىر قەشقەر شەھەرلىك مەدەنىيەت يۇرتى كۆرگەزمە زالىدا داغدۇغىلىق ئۆتكۈزۈلدى .

قەشقەر ۋىلايەتلىك رەسساملار جەمئىيىتى ، قەشقەر شەھەرلىك ئەدىبىيات–سەنئەتچىلەر بىرلەشمىسى ، قەشقەر شەھەرلىك مائارىپ ئىدارىسى ، قەشقەر شەھەرلىك مەدىنىيەت–تەنتەربىيە، رادىيو–تېلىۋىزىيە ئىدارىسى ، قەشقەر شەھەرلىك مەدەنىيەت يۇرتى ئۇيۇشتۇرغان بۇ كۆرگەزمىنىڭ ئېچىلىش مۇراسىمىغا قەشقەر شەھىرىنىڭ ۋە مائارىپ ئىدارىسىنىڭ مۇناسىۋەتلىك رەھبەرلىرى، قەشقەر ۋىلايىتى تەۋەسىدىكى بىر قىسىم يازغۇچىلار ، خەتتاتلار ، رەسساملار ، شەھەر تەۋەسىدىكى مەكتەپلەردىكى ئوقۇتقۇچى- ئوقۇغۇچىلار ، شۇنداقلا مۇھەممەدئېلى رېھىمنىڭ ئۇرۇق–تۇغقانلىرى ، خىزمەتداشلىرى بولۇپ 400 گە يېقىن كىشى قاتناشتى .

بۇ قېتىمقى كۆرگەزمىگە مۇھەممتئېلى رېھىمنىڭ يېقىنقى يىللاردىن بۇيان ئىجاد قىلغان 72 پارچە ماي بوياق ئەسىرى قويۇلغان بولۇپ ، كۆرگەزمە ئەھلىنىڭ ۋە كەسىپداشلارنىڭ يۇقىرى باھاسىغا ئېرىشتى .