4- ئاينىڭ 24- كۈنىدىكى ئۇچۇر، نۇر تورى تەرجىمىسى: بايلىق سېتىۋېلىشتىن تېخنىكا سېتىۋېلىشقىچە، مەركەز كارخانىسىدىن پۇقراۋى كارخانىغىچە، جۇڭگو كارخانىلىرىنىڭ «سىرتقا چىقىش» قەدىمى بارغانسېرى تېزلىشىپ، جۇڭگو ھازىر جاھاندىكى 3- چوڭ سىرتقا مەبلەغ سالىدىغان دۆلەتكە ئايلاندى. سانلىق مەلۇماتلاردا كۆرسىتىلىشچە، 2013- يىلى جۇڭگونىڭ چېگرا سىرتىغا سالغان مەبلىغىنىڭ كۆلىمى 100 مىليارد ئامېرىكا دوللىرىدىن ئېشىپ، يەر شارى ئىقتىسادى ئاستا ئېشىۋاتقان ئارقا كۆرۈنۈشتىمۇ، %21 لىك تېز ئېشىش سۈرئىتىنى ئەمەلگە ئاشۇرغان. 2013- يىلىنىڭ ئاخىرىغا قەدەر، جۇڭگونىڭ چېگرا سىرتىغا بىۋاسىتە سالغان مەبلىغىنىڭ يىغىندا كۆلىمى 630 مىليارد ئامېرىكا دوللىرىغا يەتكەن.