ئامېرىكا بىلوگ خەۋەر تور بېكىتى-gawker.com نىڭ 6-ئاينىڭ 19-كۈنى خەۋەر قىلىشىچە، ئامېرىكىنىڭ جورجىيە شىتاتى مارىئېتتا شەھىرىدىكى 33 ياشلىق ئەر-جاستىن.روس. خاررىس (Justin•Ross•Hariss) بىر قېتىم ماشىنا ھەيدەپ ئاتلانتا شەھىرىگە خىزمەتكە بارغاندا، ئۆزىنىڭ 22 ئايلىق بولغان ئوغلىنى شىركەت يەسلىسىگە ئاپىرىپ بەرمەي ماشىنىسىنىڭ ئىچىدە ئۇنتۇپ قالغان. يەتتە سائەتتىن كېيىن ئىشتىن چۈشۈپ ئۆيگە قايتقاندىن كېيىنلا، ئۇ ئوغلىنىڭ ماشىنا ئىچىدە ئۇنتۇلۇپ قالغانلىقىنى بايقىغان بولۇپ، ئوغلى ئاللىقاچان نەپەس يېتىشمەي ئۆلۈپ قالغانىدى، يېقىندا، بۇ ئەر قەستەن ئادەم ئۆلتۈرۈش جىنايىتى بىلەن ساقچىلار تەرىپىدىن قولغا ئېلىنغان.
نەق مەيداندا ھەممە ئەھۋاللارنى ئۆز كۆزى بىلەن كۆرگەن گۇۋاھچى-Dale Hamilton نىڭ ئېيتىشىچە، ئەينى ۋاقىتتا جاستىن ماشىنا توختىتىش مەيدانىدا ئوغلىغا قارىتا جىددىي قۇتقۇزۇش ئېلىپ بارغان بولۇپ، ئۇ يەنە قۇتقۇزۇش ماشىنىسىمۇ چاقىرغان. لېكىن دوختۇرلار يەنىلا بۇ بالىنى قۇتقۇزۇپ قالالمىغان بولۇپ، بۇ گۇۋاھچىمۇ ئەينى چاغدا بالىنى جىددىي قۇتقۇزۇش ئىشلىرىغا قاتناشقان.
نەق مەيداندا ھەممە ئەھۋاللارنى ئۆز كۆزى بىلەن كۆرگەن يەنە بىر گۇۋاھچىنىڭ ئېيتىشىچە، ئەينى ۋاقىتتا بۇ ئەر ئۆز قىلمىشىدىن ناھايىتى قاتتىق پۇشايمان قىلغان بولۇپ، ئۇ توختىماي:‹ مەن زادى نېمە قىلىپ قويدۇم؟ مەن ئۆز ئوغلۇمنى ئۆلتۈرۈپ قويۇپتىمەن› دەپ ۋارقىرىغان. دوختۇرلار نەق مەيداندا بالىغا نىسبەتەن يۈرەك قوزغىتىش ئوپراتسىيىسى ئېلىپ بارغان بولسىمۇ، لېكىن بالا قايتا كۆزىنى ئاچالمىغان بولۇپ، دوختۇرلار نەق مەيداننىڭ ئۆزىدە بالىنىڭ ئۆلگەنلىكىنى ئېلان قىلغان.
ئىگەللىنىلىشىچە، بۇ ئىش يۈز بەرگەن كۈنى ئاتلانتا شەھىرىنىڭ تېمپىراتۇرىسى 33 سېلىتسىيە گىرادۇسقا چىققان بولۇپ، بۇ بالا كىچىككىنە كەلگەن ماشىنا ئىچىدە ئىسسىق ھەم دىمىقتا قىينىلىپ ئۆلۈپ قالغانكەن، جاستىن ئىسىملىك بۇ ئەرنىڭ بىپەرۋالىق قىلمىشى ھەقىقەتەن بالىغا نىسبەتەن ئېغىر رەھىمسىزلىك بولۇپ ھېسابلىنىدىكەن.