جۇڭگو خەۋەر تورىنىڭ 20-ئاپرېل خەۋىرى: جەنۇبىي كورىيە KBS تېلېۋىزىيە ئىستانسىسى تورىنىڭ خەۋىرىگە ئاساسلانغاندا، شۇ جاي ۋاقتى 4-ئاينىڭ 20-كۈنى چۈش سائەت 12 ئەتراپىدا، جەنۇبىي كورىيەنىڭ ھادىسىگە ئۇچرىغان يولۇچىلار پاراخوتى ۋەقەسىدە قازا قىلغانلار سانى 56 غا يەتكەن، باشقا يەنە 246 ئادەم يوقاپ كەتكەن.
خەۋەرگە ئاساسلانغاندا، جەنۇبىي كورىيە جىددىي قۇتقۇزۇش تارماقلىرىنىڭ ئەمەلدارى مېدىيەلەرگە بىلدۈرۈشىچە، قۇتقۇزۇش خادىملىرى 19-ئاپرېل كەچ چۆكۈپ كەتكەن پاراخوتنىڭ ئىچىگە كىرىپ سۈزۈپ چىققان 3 جەسەتنىڭ سالاھىيىتىنى جەزىملەشتۈرگەن بولۇپ، ھەممىسى ئوغۇل، ئوتتۇرا مەكتەپ ئوقۇغۇچىسى ئىكەن.
بۇ قېتىمقى پاراخوت چۆكۈپ كېتىش ۋەقەسىدە ئۆلگەنلەر سانى داۋاملىق ئاشماقتا.
جەنۇبىي كورىيە بىرلەشمە ئاگېنتلىقى جەنۇبىي كورىيە دېڭىز ئارمىيىسىنىڭ 20-ئاپرېلدىكى ئۇچۇرىنى نەقىل قىلىشىچە، دېڭىز ئارمىيىسىنىڭ قۇتقۇزۇشقا قاتناشقان بىر ئەسكىرى 16-ئاپرېل خىزمەتتە مېڭىسى يارىلانغان بولۇپ، گەرچە دەرھال دوختۇرخانىغا ئېلىپ بېرىلغان بولسىمۇ، ئەمما قۇتقۇزۇش ئۈنۈم بەرمەي ئۆلۈپ كەتكەن.