ۋاڭيى تەنتەربىيىسى ئالتىنچى مارت خەۋىرى نۇر تورى تەرجىمىسى  2011-يىلى كەسپىي ھاياتى بىلەن خوشلاشقاندىن كېيىن بودەك رونالدو مۇسابىقە مەيدانىدىن يىراقلاشتى. نۇرغۇن توپ مەستانىلىرى بودەك رونالدونىڭ پۇتبول ساھەسىگە قايتىپ كېلىشىنى ئارزۇ قىلىشتى، ھازىر بۇ ئەمەلگە ئېشىش ئالدىدا تۇرماقتا. بودەك رونالدو مۇنداق دەپ بىلدۈردى: مەن برازىلىيە دۇنيا لوڭقىسى مۇسابىقىسىدىن كېيىن پارىژ سانت گېرمان كۇلۇبى يۇقىرى قاتلىمىغا كىرىشىم مۇمكىن.
 كەسپىي ھاياتىدىن ئايرىلغاندىن كېيىنكى بودەك رونالدو بەك ئالدىراش دېيىشكە بولىدۇ، ئۇ ساخاۋەت ئىشلىرى بىلەن ئالدىراش، برازىلىيە دۇنيا لوڭقىسى مۇسابىقىسىنىڭ تەييارلىق ئىشلىرى بىلەن ئالدىراش ئىدى، لېكىن ئۇ مۇسابىقە مەيدانىغا ناھايىتى ئاز كېلەتتى. ب د ت تەرەققىيات پىلان كومىتېتىنىڭ تەكلىپىگە بىنائەن بودەك رونالدو يېقىندا ياۋروپاغا كېلىپ نامراتلىققا قارشى تۇرۇش نامىدىكى بىر خەيرى-ساخاۋەت مۇسابىقىسىغا قاتناشماقچى بولدى. بودەك رونالدودىن سىرت زىدانىنى ئۆز ئىچىگە ئالغان چولپانلارمۇ بۇ مۇسابىقىگە قاتنىشىدۇ. بۇ پۇرسەت بىلەن "پارىژلىقلار گېزىتى" بودەك رونالدونى زىيارەت قىلدى. تاراتقۇلارنىڭ ئالدىدا بودەك رونالدو ئۆزىنىڭ كەلگۈسى پىلانىنى سۆزلەپ مەشقاۋۇل بولۇشنى خالىمايدىغانلىقىنى لېكىن باشقۇرغۇچى بولۇشنى خالايدىغانلىقىنى بىلدۈردى.
 زىيارەت قوبۇل قىلغاندا بودەك رونالدو يەنە مۇنداق دېدى: ھازىر مەن برازىلىيە دۇنيا لوڭقىسى مۇسابىقىسىنىڭ تەييارلىق ئىشلىرى بىلەن ئالدىراش، مەن برازىلىيە دۇنيا لوڭقىسى مۇسابىقىسىنىڭ تەشكىلى كومىتېتى ئەزاسى، بىز ھازىر ئاخىرقى باسقۇچتىكى خىزمەتلەرنى قىلماقتىمىز، نۇرغۇن ئىشلار بىزنىڭ بىر تەرەپ قىلىشىمىزنى كۈتىۋاتىدۇ. رونالدو مۇنداق دېدى:  مەن برازىلىيە دۇنيا لوڭقىسى مۇسابىقىسىدىن كېيىن پارىژ سانت گېرمان كۇلۇبى يۇقىرى قاتلىمىغا كىرىشىم مۇمكىن.