يەرشارى تورى ئۇنىۋېرسال قانىلى خەۋىرى،  چەتئەل تاراتقۇلىرىنىڭ خەۋەر قىلىشىچە، لامبۇرگى Venenoنىڭ ئۈستى ئوچۇق، سانى چەكلىك بولغان نۇسخىسىنىڭ رەسىملىرى يېقىندا تۇنجى قېتىم ئېلان قىلىنغان. ئادەتتىكى ماشىنا نۇسخىسى 2013-يىلى 3-ئايدا جەنۋەدە ئۆتكۈزۈلگەن ماشىنا كۆرگەزمىسىدە ئېلان قىلىنغان. چەكلىك ساندىكىسىنىڭ باھاسى كىشىنى چۆچىتىدىغان بولۇپ، بەش مىليون دوللار (خەلق پۇلىغا سۇندۇرغاندا تەخمىنەن 30 مىليون 490 مىڭ يۈەن) غا يەتكەن.

لامبۇرگنى شىركىتى مۇنۇلارنى بىلدۈردى: «لامبۇرگنى Venenoنىڭ ئۈستى ئوچۇق نۇسخىسى سىزگە ئوخشاش بولمىغان ئاجايىپ تۇيغۇ ئاتا قىلىدۇ».
ئىگىلىنىشىچە، چەكلىك ساندىكى لامبۇرگنى Venenoغا 6.5 لىترلىق V12ماتور سەپلەنگەن بولۇپ، قۇۋۋىتى 740 ئات كۈچىگە يېتىدۇ. بۇ ماشىنىنىڭ سۈرئىتىنىڭ قوزغىلىپ 100 كىلومېتر سائەتكە يېتىشىگە 2.9 سىكۇنت كېتىدىغانلىقى، ئەڭ يۇقىرى سۈرئىتىنىڭ 350 كىلومېتر سائەتكە يېتىدىغانلىقى، ماشىنا ئېغىرلىقىنىڭ 1490 كىلوگرام بولىدىغانلىقى مۆلچەرلەندى.