شىنخۇا ئاگېنتلىقى مانىلا 5-ئاينىڭ 9-كۈنى تېلېگراممىسى
فىلىپپىننىڭ ئوتتۇرا مەزگىللىك سايلىمىنىڭ باشلىنىشىغا ئەگىشىپ، فىلىپپىن بىخەتەرلىك قىسىملىرى 9-چېسلا لۇسۇڭ ئارىلىغا بېلەت تاشلاش ماشىنىسىنى يۆتكەۋاتقان ۋاقىتتا، ئۆكتىچى پارتىيىنىڭ ئىككى قېتىملىق زەربىسىگە ئۇچرىغان ۋە بۇ قېتىم ئۈچ ئادەم ھاياتىدىن ئايرىلىپ، بەش ئادەم ئېغىر يارلانغان.

فىلىپپىن 5-پىيادىلەر قىسمىنىڭ باياناتچىسى لومىسنىڭ دېيىشىچە، بىرىنچى قېتىملىق يوشۇرۇن زەربە بېرىشتە، تەخمىنەن 20 نەپەر ئۆكتىچى پارتىيە ئەسكەرلىرى 9-چېسلا ئەتىگەن يىراق تاغلىق رايوندىكى مەكتەپكە بېلەت تاشلاش ماشىنىسىنى يۆتكەۋاتقان 70- پىيادىلەر قىسمىغا ھۇجۇم قىلغان ۋە بىر ئەسكەرنىڭ ئۆلۈپ ئىككى ئەسكەرنىڭ يارىلىنىشىنى كەلتۈرۈپ چىقارغان.
ئىككىنچى قېتىملىق يوشۇرۇن ھۇجۇم 17-پىيادىلەر ئارمىيىسى بېلەت تاشلاش ماشىنىسىنى شىمالى قىسىمدىكى كىلىنا ئۆلكىسىگە يۆتكەۋاتقاندا ۋاقىتتا يۈز بەرگەن. ئۇلار 9-چېسلا چۈشتىن بۇرۇن بىر يېزىغا يېتىپ كېلىشى بىلەن تەڭ، يېڭى خەلق ئارمىيىسىنىڭ (ئۆتىچى پارتىيە) يوشۇرۇن زەربە بېرىشىگە ئۇچرىغان ۋە ئىككى ئەسكەر قازا قىلىپ ئۈچ ئادەم ئېغىر يارلانغان.
فىلىپپىن 13-چېسلا ئوتتۇرا مەزگىللىك سايلام ئۆتكۈزمەكچى بولغان. يېڭى خەلق ئارمىيىسى 1969-يىلى قۇرۇلغان بولۇپ، فېللىپپىنىڭ يىراق يېزىلىرىدا 40 يىلدىن ئارتۇق پارتىزانلىق ئۇرۇشى قىلغان، ئاخبارات ۋاسىتىلىرىنىڭ دوكلاتىغا ئاساسلانغاندا، بۇ فىلىپپىندىكى ئاساسى ئۆكتىچى قوراللىق كۈچ بولۇپ ھېسابلىنىدىكەن.